فوتو: https://smi24.kz/
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, وقيعا ماقات اۋدانىندا بولعان.
«ماقات اۋداندىق پوليتسيا بولىمىنە دوسسور كەنتىنىڭ ب.ايماعامبەتوۆ كوشەسىندەگى تۇرعىن ءۇيدىڭ جانىندا ەر ادامنىڭ ورتەنگەنى تۋرالى حابار ءتۇستى. پوليتسيا قىزمەتكەرلەرى 1961 جىلى تۋعان ەر ادام ءوزىن-ءوزى ورتەگەنىن انىقتادى», دەپ حابارلادى دەپارتامەنتتىڭ ءباسپاسوز قىزمەتى.
بەلگىلى بولعانداي, وزىنە ءورت قويعان ەر ادام بيىل زەينەت جاسىنا تولادى ەكەن. بىراق ونىڭ مۇنداي وقىس قادامعا نە ءۇشىن بارعانى بەلگىسىز.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتكەندەي, ءوزىن-ءوزى ورتەگەن ادام 14 قاڭتاردا كەشكى ساعات 20:15-تە اتىراۋ وبلىستىق اۋرۋحاناسىنىڭ قابىلداۋ بولىمشەسىنە جەتكىزىلگەن.
«دارىگەرلەر ەر ادامنىڭ دەنساۋلىق جاعدايىن ءجىتى تەكسەردى. قازىر ناۋقاس جانساقتاۋ بولىمىندە جاتىر. ونىڭ جاعدايى اۋىر, دەنەسىنىڭ 81 پايىزىن جوعارى كۇيىك شالعان», دەپ ءمالىم ەتتى باسقارمانىڭ ءباسپاسوز قىزمەتى.
