فوتو: gov.kz
2023 جىلدىڭ قاراشا ايىندا رەسەيدىڭ «اۋليە يليا مۋرومەتس زاستاۆاسى» ىزدەۋ جاساعى تاۋىپ, سۇيەكتىڭ كىمگە تيەسىلى ەكەنىن مەدالونداعى دەرەكتەردەن انىقتاعان.
«كادىربەك داۋلەتقۇلوۆ تۋرالى كوپتەگەن اسكەري اقپارات قۇپيا. ويتكەنى ول كەڭەس ارمياسى قاتارىندا شەكاراشى قىزمەتىن اتقارعان», دەپ اتاپ ءوتتى Atamnyn Amanaty قوعامدىق بىرلەستىگىنىڭ وكىلى ابۋباكىر سمايىلوۆ.
1920 جىلى جامبىل وبلىسىندا تۋعان, 1943 جىلدىڭ جازىندا كۋرسك دوعاسىنداعى قاندى شايقاستا قازا تاپقان كادىربەك داۋلەتقۇلوۆ وتباسىن قۇرماعان. جاۋىنگەردىڭ اعاسىنىڭ ۇرپاقتارى تابىلدى. تۋعان جەرى – تۇرار رىسقۇلوۆ اۋدانىندا جەر قوينىنا تاپسىرۋ ءۇشىن ساربازدىڭ سۇيەگى تۋىستارىنا تاپسىرىلدى. سونداي-اق ونىڭ مەدالونى, كاسكاسى, ساپەر كۇرەگى, سارباز كرۋجكاسى اعايىندارىنا بەرىلدى.
ايتا كەتسەك, Atamnyn Amanaty قوعامدىق بىرلەستىگى 2019 جىلدان باستاپ ەكىنشى دۇنيەجۇزىلىك سوعىسى جىلدارىندا قازا تاپقان وتانداس جاۋىنگەرلەردى جۇيەلى تۇردە ىزدەۋمەن جانە جەرلەۋمەن اينالىسىپ كەلەدى. قوعامدىق بىرلەستىك وسى ۋاقىتقا دەيىن قورعانىس مينيسترلىگىمەن بىرلەسىپ 19 ساربازدىڭ سۇيەگىن ەلىمىزگە جەتكىزىپ, قايتا جەرلەۋدى ۇيىمداستىرعان.
