بيىل قازاقستان حالىقارالىق كۇن ءتارتىبىن قالىپتاستىراتىن نەگىزگى ەل بولادى. قازاقستاننىڭ شانحاي ىنتىماقتاستىق ۇيىمىنا, ۇجىمدىق قاۋىپسىزدىك تۋرالى شارت ۇيىمىنا, ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە, تۇركى مەملەكەتتەرى ۇيىمىنا, ارالدى قۇتقارۋ حالىقارالىق قورىنا, ازىق-ت ۇلىك قاۋىپسىزدىگى جونىندەگى يسلام ۇيىمىنا توراعالىق ەتۋى ەلىمىزدىڭ وڭىردە عانا ەمەس, الەمدە دە بەيبىتشىلىك پەن اماندىقتى ساقتاۋ ءۇشىن جاۋاپكەرشىلىك دەڭگەيىن ارتتىرادى.
پرەزيدەنت قاسىم-جومارت توقاەۆ «Egemen Qazaqstan» گازەتىنە بەرگەن سۇحباتىندا وڭىرلىك ىنتىماقتاستىقتىڭ, اسىرەسە ورتالىق ازيا ءوڭىرى كونتەكستىندەگى ماڭىزدىلىعىنا ەرەكشە نازار اۋدارعان. مەملەكەت باسشىسى «س5+» ۇلگىسىن جانە ونىڭ حالىقارالىق ارەناداعى ءوڭىر ەلدەرىنىڭ ۇستانىمدارىن نىعايتۋداعى ءرولىن ەرەكشە اتاپ ءوتتى. ەكونوميكالىق دامۋ تۇرعىسىندا مۋلتيپليكاتيۆتىك اسەر الۋ ءۇشىن ستراتەگيالىق ارىپتەستىكتى تەرەڭدەتۋگە ەكپىن بەردى. بۇل – قازاقستاننىڭ وڭىرلىك باستامالاردى دامىتۋدا جانە ورتالىق ازيا ەلدەرى اراسىنداعى ىنتىماقتاستىقتى نىعايتۋدا بەلسەندى ءرول اتقارۋعا سانالى تۇردە ۇمتىلاتىنىنىڭ بەلگىسى.
ايدار قۇرماشەۆ,
قسزي ازيالىق زەرتتەۋلەر ءبولىمىنىڭ باسشىسى
