فوتو: rakhat_turlykhanov/https://www.instagram.com/
«بارشاڭىزعا قايىرلى كۇن! ايەلىم ەكەۋمىز وتباسىمىزعا قاتىستى سوڭعى جاڭالىقتارعا تۇسىنىكتەمە بەرۋدى شەشتىك», دەپ باستادى راحات تۇرلىحانوۆ.
جۇبايى التىنايدىڭ ايتۋىنشا, ولاردا ءبارى جاقسى. وتباسىندا ۇرىس-كەرىس, تۇسىنىسپەۋشىلىك بولعانىمەن, تاتۋ-ءتاتتى ءومىر ءسۇرىپ جاتقاندارىن جەتكىزدى.
«بۇقارالىق اقپارات قۇرالدارى جاعدايدى بىلمەي, راحاتتى ادىلەتسىز تۇردە جامان جاعىنان كورسەتىپ جاتىر. مەن وسىعان قىنجىلامىن. راحات قامقور جانە مەيىرىمدى جار», دەدى ول.
سونداي-اق ولار ءۇشىن الاڭداعان جاندارعا العىس ايتىپ, ۋايىمدايتىن ەش جاعداي جوق ەكەنىن ايتتى.
وقىرمانداردىڭ كوبى وتباسىنا باقىت تىلەدى.
2024 جىلدىڭ 9 قاڭتارىندا الماتى قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتى انشىگە قاتىستى ءىستى قارادى. تەرگەۋ ماتەريالدارىنان بەلگىلى بولعانداي, 2023 جىلدىڭ جەلتوقسانىندا تۇرلىحانوۆ ۇيىندە جانجال شىعارىپ, ايەلىن سوققىعا جىققان.
سوتتا ول كىناسىن مويىنداپ, وكىنىپ, تاراپتاردىڭ تاتۋلاسۋىنا دەيىن ءىس جۇرگىزۋدى توقتاتۋدى سۇرادى. ايەلى فاكتىنى راستاپ, كۇيەۋىمەن تاتۋلاسقانىن ايتتى.
بۇعان دەيىن 2023 جىلدىڭ قازان ايىندا تۇرلىحانوۆقا ايەلىن ۇردى دەگەن ايىپ تاعىلعان ەدى, بىراق سوت تاراپتاردىڭ تاتۋلاسۋىنا بايلانىستى ءىستى توقتاتقان.
