جەرگىلىكتى بيۋدجەت قاراجاتى ەسەبىنەن ساتىپ الىنعان «Hyundai Tucson» ماركىلى 22 اۆتوكولىك اقتوبە قالاسىنىڭ ۋچاسكەلىك پوليتسيا ينسپەكتورلارىنا, «گازەل-Next» ماركىلى 10 كولىك تەرگەۋ-قاماۋعا الىنعان ادامداردى تاسىمالداۋ ءۇشىن اۋداندىق بولىمشەلەرگە بەرىلدى.
سونداي-اق 3 كۆادروتسيكل ساياجاي الاپتارى مەن وزەن جاعالاۋلارىن باقىلايتىن پاترۋلدىك پوليتسەيلەرگە بەرىلسە, «بەلارۋس» تراكتورى پوليتسيا بولىمدەرىنىڭ شارۋاشىلىق قاجەتتىلىكتەرى ءۇشىن ساتىپ الىندى. وسىلايشا, جاڭا جىلدىڭ العاشقى جۇمىس اپتاسى پوليتسيا قىزمەتكەرلەرىنە جاقسى كوڭىل كۇي سىيلادى. سۋ جاڭا اۆتوكولىكتىڭ قاي-قايسىسى دا ءتارتىپ ساقشىلارى ءۇشىن قاجەتتى تەحنيكالىق قۇرالدارمەن جابدىقتالعان. «زاماناۋي تالاپتارعا جاۋاپ بەرەتىن اۆتوكولىكتەر قىلمىستار مەن وقيعالار تۋرالى حابارلاما كەلىپ تۇسكەن جەدەل قيمىلداۋعا مۇمكىندىك بەرەدى», دەدى وبلىستىق پد باستىعى اباي ءجۇسىپوۆ.
ايتا كەتەرلىگى, اقتوبە وبلىسىنىڭ 12 اۋدانىندا اۋىلدىق وكرۋگتەردىڭ ۋچاسكەلىك ينسپەكتورلارى قىزمەتتىك كولىكتەرمەن قامتاماسىز ەتىلمەگەن.
اقتوبە وبلىسى
