ءمينيستردىڭ مالىمەتىنشە, تەرگەۋگە قاتارداعى قىزمەتكەرلەر ەمەس, توتەنشە جاعدايعا تىكەلەي جاۋاپتى ينجەنەرلىك-تەحنيكالىق پەرسونال الىنعان.
«ۇكىمەتتىك كوميسسيا جۇمىسىنىڭ قورىتىندىسى بويىنشا ءبىز 19 ادامدى انىقتادىق. بۇل جاۋاپتى لاۋازىمدى تۇلعالار. ماتەريالدار تەرگەۋ ورگاندارىنا تاپسىرىلدى, ولاردىڭ كىناسىن سوت انىقتايدى», دەدى مينيستر ۇكىمەتتە وتكەن بريفينگتە.
سىرىم ءشارىپحانوۆ تەرگەۋگە الىنعان لاۋازىمدى تۇلعالاردىڭ ەسىمىن اتاپ بەردى.
«46 كەنشىنىڭ قازاسىنا كىنالىلەر قاتارىندا امت باس ديرەكتورى يابلونسكي, پەرسونال جونىندەگى ديرەكتور ۆينوكۋروۆا, كومىر دەپارتامەنتىنىڭ تەحنيكالىق ديرەكتورى بەلىي مىرزا, كومىر دەپارتامەنتى اتقارۋشى ديرەكتورىنىڭ ورىنباسارى وگاي جانە تاعى باسقالارى بار», دەدى مينيستر.
ەسكە سالا كەتەيىك, 2023 جىلعى 28 قازاندا «ارسەلور ميتتال تەمىرتاۋ», قازىرگى قارمەت اق-نىڭ كوستەنكو اتىنداعى كومىر شاحتاسىندا جارىلىس بولىپ, سالدارىنان 46 ادام قازا تاپتى. تاعى 28 كەنشى جاراقات العان ەدى.
تەرگەپ-تەكسەرۋ قورىتىندىسىنا سايكەس, شاحتاداعى اپاتقا 100 پايىز جۇمىس بەرۋشى كىنالى دەپ تانىلدى.
