2024 جىلى قازاننىڭ ەكىنشى جەكسەنبىسىندە اتاپ وتىلەتىن مۇگەدەكتەر كۇنىنە وراي الەۋمەتتىك كومەك قولدانىسقا ەنگىزىلدى. 1 توپتاعى مۇگەدەكتىگى بار ادامدارعا 20 اەك نەمەسە 73 840 تەڭگە, 2 توپتاعى مۇگەدەكتىگى بار ادامدارعا جانە بارلىق توپتاعى ون سەگىز جاسقا دەيىنگى مۇگەدەكتىگى بار بالالارعا – 10 اەك نەمەسە 36 920 تەڭگە, 3 توپقا – 5 اەك نەمەسە 18 640 تەڭگە تولەنەدى.
بۇدان باسقا, اتاۋلى كۇندەر مەن مەرەكە كۇندەرىندە ازاماتتاردىڭ مىناداي ساناتتارىنا 2,5 اەك مولشەرىندە بىرجولعى اقشالاي تولەمدەر تۇرىندە الەۋمەتتىك كومەك كورسەتىلەدى:
– 4 اقپان (دۇنيەجۇزىلىك قاتەرلى ىسىككە قارسى كۇرەس كۇنى) – الەۋمەتتىك ماڭىزى بار اۋرۋلارى بار ازاماتتار مەن قاتەرلى ىسىكتەرى بار بالالار;
– 8 ناۋرىز (حالىقارالىق ايەلدەر كۇنى) - كوپبالالى وتباسىلارعا, كوپبالالى انالارعا, ونىڭ ىشىندە از قامتىلعان انالارعا;
– 21-23 ناۋرىز (ناۋرىز مەيرامى) – اتا-اناسىنىڭ قامقورلىعىنسىز قالعان بالالارعا;
– 7 مامىر (وتان قورعاۋشىلار كۇنى) – قازاقستان رەسپۋبليكاسى الدىنداعى ەرەكشە ەڭبەگى ءۇشىن زەينەتاقى الۋشىلار قاتارىنداعى زەينەتكەرلىك جاستاعى ادامدارعا;
– 31 مامىر (ساياسي قۋعىن-سۇرگىن قۇرباندارىن ەسكە الۋ كۇنى) - ساياسي قۋعىن-سۇرگىن قۇرباندارىنا, ساياسي قۋعىن-سۇرگىننەن زارداپ شەككەن, مۇگەدەكتىگى بار نەمەسە زەينەتكەر بولىپ تابىلاتىن ادامدارعا;
– 1 ماۋسىم (بالالاردى قورعاۋ كۇنى) - جەتىم بالالارعا;
– 29 تامىز (سەمەي يادرولىق سىناق پوليگونىنىڭ جابىلۋ كۇنى) - سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتارعا, زەينەتكەرلەر مەن بىرجولعى وتەماقى الۋشىلارعا;
– 1 قازان (قارتتار كۇنى) – جاسى بويىنشا زەينەتكەرلەرگە جانە زەينەتاقىنىڭ ەڭ تومەنگى مولشەرىن الۋشىلار قاتارىنداعى زەينەتكەرلىك جاستاعى ادامدارعا;
– 1 جەلتوقسان (دۇنيەجۇزىلىك جيتس-پەن كۇرەس كۇنى) - ادامنىڭ يممۋن تاپشىلىعى ۆيرۋسىنان, ونىڭ ىشىندە ادامنىڭ يممۋن تاپشىلىعى ۆيرۋسىن تاسىمالداۋشىلاردان زارداپ شەگەتىن ادامدار قاتارىنان الەۋمەتتىك ماڭىزى بار اۋرۋلارى بار ازاماتتارعا.
بۇدان باسقا, «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنداعى ساياسي قۋعىن-سۇرگىن قۇرباندارىنا 16 جەلتوقساندا (قازاقستان رەسپۋبليكاسىنىڭ تاۋەلسىزدىك كۇنى) 60 اەك مولشەرىندە الەۋمەتتىك كومەك كورسەتىلەدى.
45 اەك مولشەرىندە الەۋمەتتىك كومەك كورسەتىلەدى:
– 15 اقپان (كەڭەس اسكەرلەرىنىڭ شەكتەۋلى كونتينگەنتىن اۋعانستاننان شىعارۋ كۇنى) - «ارداگەرلەر تۋرالى» قازاقستان رەسپۋبليكاسى زاڭىنىڭ 5-بابىنىڭ 2, 3, 4, 5-تارماقتارىندا كورسەتىلگەن باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلدارعا قاتىسقان ارداگەرلەرگە; اۋعانستاندا اسكەري قىزمەت وتكەرۋ كەزىندە جارالانۋى, كونتۋزيا الۋى, مەرتىگۋى نەمەسە اۋرۋى سالدارىنان مۇگەدەكتىگى بەكىتىلگەن اسكەريلەرگە;
– 26 ءساۋىر (چەرنوبىل اتوم ەلەكتر ستانتسياسىنداعى اپات قۇرباندارىن ەسكە الۋ كۇنى) - جەڭىلدىكتەرى بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەرگە, سونداي-اق چەرنوبىل اتوم ەلەكتر ستانتسياسىنداعى اپات سالدارىن جويۋعا قاتىسقان ادامدار قاتارىنداعى باسقا ادامدارعا.
9 مامىر جەڭىس كۇنىنە الەۋمەتتىك كومەك ازاماتتاردىڭ كەلەسى ساناتتارىنا بەرىلەدى:
– ەكىنشى دۇنيەجۇزىلىك سوعىس ارداگەرلەرىنە -1 ء(بىر) ميلليون تەڭگەدەن كەم ەمەس;
– جەڭىلدىكتەرى بويىنشا ەكىنشى دۇنيەجۇزىلىك سوعىس ارداگەرلەرىنە تەڭەستىرىلگەن ارداگەرلەرگە (وسى قاعيدالاردىڭ 16-تارماعىندا كورسەتىلگەن ادامداردان باسقا) -45 اەك;
– باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلدارعا ارداگەرلەرىگە (وسى قاعيدالاردىڭ 16-تارماعىندا كورسەتىلگەن ادامداردان باسقا) - 45 اەك;
– باسقا ادامدارعا, ەڭبەك ارداگەرلەرىنە-15 اەك.
الەۋمەتتىك كومەك 25 قازانعا (رەسپۋبليكا كۇنى) از قامتىلعان ازاماتتارعا 4,5 اەك (ااك الۋشىلار قاتارىنان) مولشەرىندە كورسەتىلەدى.
