فوتو: Turizm_jane_sport_ministrligi
جيىنعا ۇلتتىق سپورت قاۋىمداستىعىنىڭ, ۇلتتىق جانە ات سپورتى تۇرلەرى ورتالىعىنىڭ, 5-ءشى دۇنيەجۇزىلىك كوشپەندىلەر ويىندارىن وتكىزۋ جونىندەگى ديرەكتسياسىنىڭ باسشىلىعى جانە ۇلتتىق سپورت فەدەراتسيالارىنىڭ پرەزيدەنتتەرى قاتىسىپ, اتقارىلىپ جاتقان جۇمىستارى تۋرالى باياندادى.
مينيستر ەرمەك مارجىقپاەۆ مەملەكەت باسشىسى قاسىم-جومارت توقاەۆتىڭ «Egemen Qazaqstan» گازەتىنە بەرگەن سۇحباتىندا دۇنيەجۇزىلىك كوشپەندىلەر ويىندارىن وتكىزۋ – ەلىمىز ءۇشىن ماڭىزدى سپورتتىق ءىس-شارا ەكەنىن ايتتى.
«ويىنداردىڭ باستالۋىنا ءبىر جىلدان از ۋاقىت قالدى. مەملەكەت باسشىسىنىڭ تاپسىرماسىنا سايكەس, 5-ءشى دۇنيەجۇزىلىك كوشپەندىلەر ويىندارىن جوعارى دەڭگەيدە ۇيىمداستىرۋىمىز قاجەت. بۇگىنگە دەيىن قانداي شارالار اتقارىلدى, الدا قانداي مىندەتتەر تۇر, سونىمەن قاتار قانداي ماسەلەلەر بار ەكەنىن انىقتاۋىمىز قاجەت. ويىندارعا دايىندىق جاعدايىنا كەلەر بولساق, ازىرگە ءىس-شارالار جوسپار بويىنشا ءجۇرىپ جاتىر. ۇلتتىق سپورت تۇرلەرىنەن قۇراما كوماندالاردىڭ دايىندىعى جوعارى دەڭگەيدە ءوتۋى كەرەك. سونىمەن قاتار سپورتشىلارعا ساپالى جاعداي جاساپ, قارجى ماسەلەلەرى تولىق شەشىلۋگە ءتيىس», دەدى مينيستر.
«V دۇنيەجۇزىلىك كوشپەندىلەر ويىندارىنا الەمنىڭ 100-دەن استام ەلىنەن دەلەگاتسيا كەلەدى. ويىنداردىڭ بىرەگەيلىگى – سپورتتىق, مادەني جانە عىلىمي باعدارلامالاردىڭ ۇشتاسۋىندا. باعدارلاماعا 20 جارىستىق جانە 10 كورنەكى سپورت ءتۇرى كىرىپ, 110 مەدال جيىنتىعى ويناتىلادى. جارىس ات سپورتى, ۇلتتىق كۇرەس, ساداق اتۋ, قۇستارمەن اڭ اۋلاۋدىڭ تۇرلەرى, ءداستۇرلى زياتكەرلىك ويىندار بويىنشا وتەدى» دەلىنگەن اقپاراتتا.
2024 جىلعا ارنالعان سپورتتىق-بۇقارالىق ءىس-شارالاردىڭ بىرىڭعاي رەسپۋبليكالىق كۇنتىزبەسىنە كىرەتىن سپورت تۇرلەرى بويىنشا جارىستاردىڭ تىزبەسى بەكىتىلدى. ويىندارعا دايىندىق شەڭبەرىندە ۇلتتىق قۇراما كوماندالاردىڭ سپورتشىلارى 2024 جىلعى قاڭتاردان باستاپ 13 حالىقارالىق, 39 جەرگىلىكتى وقۋ-جاتتىعۋ جيىندارىنا جانە 17 رەسپۋبليكالىق جانە 23 حالىقارالىق جارىسقا قاتىسادى. بيىلعى جىلدىڭ باستى دوداسى – پاريج جازعى وليمپياداسى مەن پاراليمپيادا ويىندارى.
