ءورتتى سوندىرۋگە 7 تەحنيكا مەن جەكە قۇرامنان 22 ادام جۇمىلدى. ءورتتى ءسوندىرۋ جوعارى ءورت جۇكتەمەسىنە بايلانىستى قيىنعا سوققان. ويتكەنى ءۇي قۇرىلىمدىق جاعىنان تولىعىمەن اعاش كونسترۋكتسيالاردان تۇرعىزىلعان ءارى وتقا توزىمدىلىكتىڭ 5-دارەجەسىنە جاتادى. قازىرگى تاڭدا ءورت ءسوندىرىلدى.
ء«ورتتى ءسوندىرۋ كەزىندە ەكى ادامنىڭ ءمايىتى تابىلدى. اقمولا وبلىسىنىڭ توتەنشە جاعدايلار دەپارتامەنتى قازا بولعانداردىڭ تۋىستارىنا كوڭىل ايتادى», دەپ حابارلادى ۆەدومستۆونىڭ ءباسپاسوز قىزمەتى.
وسىنداي وقيعالاردىڭ الدىن الۋ ءۇشىن وبلىستىق توتەنشە جاعدايلار دەپارتامەنتى ۇيدەگى ءورت قاۋىپسىزدىگى شارالارىن ساقتاۋعا شاقىرادى. اتاپ ايتقاندا:
- ەلەكتر جەلىلەرىن شامادان تىس جۇكتەمەڭىز;
- جىلىتۋ پەشتەرىن قاراۋسىز قالدىرماڭىز, ۇزاق قىزدىرماڭىز;
- ەلەكتر جابدىقتارى مەن سىمداردىڭ جاعدايىن باقىلاڭىز;
- ءۇي-جايلاردى نەمەسە كولىكتەردى جىلىتۋ ءۇشىن قولدان جاسالعان, اقاۋى بار جىلىتۋ قۇرىلعىسىن پايدالانباڭىز;
- بالالاردى ەشقاشان قاراۋسىز قالدىرماڭىز.
