جاس ساربازدار قازاقستاننىڭ بارلىق وڭىرىنەن مەرزىمدى قىزمەت وتكەرۋ ءۇشىن كەلىپ, جاس جاۋىنگەر كۋرسىنان ءوتتى. بۇگىن ولار وتان قورعاۋشىلار مەن ءبىرتۇتاس قىزمەتكە تۇرۋ ءۇشىن سالتاناتتى تۇردە اسكەري انت قابىلدادى.
جىل سايىن ۇلتتىق ۇلان قاتارىنا رەسپۋبليكانىڭ تۇكپىر-تۇكپىرىنەن كەلگەن جاس جىگىتتەر وتاندى قورعاۋداعى وزدەرىنىڭ قاسيەتتى بورىشىن ورىنداۋ ءۇشىن شاقىرىلادى. بۇل ولارعا ازاماتتارىمىزدىڭ قۇقىقتارى مەن بوستاندىقتارىن قىلمىستىق جانە وزگە دە قۇقىققا قارسى قول سۇعۋشىلىقتاردان قورعاۋ بويىنشا جوعارى جاۋاپكەرشىلىك جۇكتەيدى.
اسكەري قالاشىقتاعى كارانتيندىك ءىس – شارالارعا بايلانىستى اسكەري انت بەرۋ اتا-انالارىنىڭ قاتىسۋىنسىز ونلاين-رەجيمدە جۇرگىزىلدى.
سونىمەن قاتار ساپتىق الاڭدا ۇلتتىق ۇلان باس قولباسشىسىنىڭ ورىنباسارى گەنەرال-مايور باۋىرجان ءابجانوۆ پەن «نۇرا» استانالىق اۋدانى اكىمىنىڭ ورىنباسارى ءاليا ابسەمەتوۆا جەكە قۇرام الدىندا ءسوز سويلەدى.
«بۇگىن اسكەري ءبولىمنىڭ ومىرىندەگى سالتاناتتى وقيعا. ءاربىر جاۋىنگەر ءۇشىن اسكەري انت ءومىردىڭ بۇزىلمايتىن زاڭى, ودان ەشقانداي شەگىنىس بولمايدى. انت قابىلداي وتىرىپ, اسكەري قىزمەتشى قازاقستان حالقىنا جانە ونىڭ زاڭدى تۇردە سايلانعان پرەزيدەنتىنە ادال بولۋعا, قازاقستان رەسپۋبليكاسىنىڭ كونستيتۋتسياسى مەن زاڭدارىن ساقتاۋعا, وزىنە جۇكتەلگەن مىندەتتەردى ءسوزسىز ورىنداۋعا, اسكەري قىزمەتتىڭ اۋىرتپالىقتارىنا تاباندىلىقپەن توزۋگە مىندەتتەلەدى», دەپ اتاپ ءوتتى ءوز سوزىندە گەنەرال-مايور باۋىرجان ءابجانوۆ.
جاس ساربازداردىڭ ءبىرى - قاتارداعى جاۋىنگەر ارسلان تاڭىبەرگەن شىمكەنت قالاسىنان شاقىرىلدى. ول بۇگىن ءوز كومانديرلەرى مەن ارىپتەستەرىنىڭ الدىندا ونەر كورسەتۋ قۇرمەتىنە يە بولدى.
ء«بىز ءوزىمىز قابىلداعان اسكەري انتقا ادال بولامىز, اسكەري قىزمەت اتقارۋعا لايىقتى بولامىز جانە ەلدىڭ قاۋىپسىزدىگىن قامتاماسىز ەتۋ ءۇشىن بار كۇشىمىزدى سالامىز. ەلوردادا قىزمەت وتكەرۋ قۇرمەتىنە يە بولدىق. ءبىز العا قويعان بارلىق مىندەتتى ورىنداۋعا جانە سول ارقىلى مەملەكەتتىڭ يگىلىگىنە ءوز ۇلەسىمىزدى قوسۋعا ۋادە بەرەمىز», دەءدى جاس سارباز.
تۋىستارى مەن جاقىندارى ءۇشىن اسكەري انت قابىلداۋ الەۋمەتتىك جەلىلەردە ونلاين-ترانسلياتسيا رەجيمىندە جۇرگىزىلدى. تىكەلەي ەفير ءار ۆزۆود ءۇشىن بولەك ۇيىمداستىرىلدى, ياعني ەشكىم نازاردان تىس قالمادى جانە بارلىق اتا-انا ۇلدارىنىڭ انت قابىلداۋىن باقىلاي الدى. اسكەري ءراسىمدى ەفيرگە شىعارۋ اياقتالعاننان كەيىن 5573 اسكەري ءبولىمىنىڭ كومانديرى پولكوۆنيك ايان ەسجانوۆ جانە ونىڭ ورىنباسارلارى تىكەلەي ەفيردەگى باعىتتار بويىنشا اسكەرگە شاقىرىلۋشىلاردىڭ اتا-انالارىنىڭ بارلىق سۇراقتارىنا جاۋاپ بەردى. ءوز كەزەگىندە جاس ساربازداردىڭ تۋىستارى مەن تانىستارى وزدەرىنىڭ قۇتتىقتاۋلارى مەن ىزگى تىلەكتەرىن Instagram-داعى رەسمي پاراقشاسىندا جازدى.
ەستەرىڭىزگە سالا كەتەيىك, 5573 اسكەري ءبولىمىنىڭ جەكە قۇرامى ەلوردانىڭ قوعامدىق-ساياسي, سپورتتىق, مادەني ءىس-شارالارىنا, سونداي-اق استانادا قوعامدىق ءتارتىپتى ساقتاۋعا بەلسەندى قاتىسادى.
انت بەرگەن ساربازدار جاقىن ارادا ەلوردا كوشەلەرىندە قۇقىقتىق ءتارتىپتى قامتاماسىز ەتۋ جونىندەگى مىندەتتەردى ورىنداۋعا كىرىسەدى.
