«قازا تاپقان جانە جوعالعان قۇتقارۋشىلاردىڭ وتباسىلارىنا «مايقايىڭ-التىن» اق جانە كااقق روش-نان ءاربىر وتباسىنا 4,5 ملن تەڭگەدەن استام مولشەردە ماتەريالدىق كومەك كورسەتىلەدى. مەملەكەت تاراپىنان قازا تاپقان جانداردىڭ وتباسىلارىنا اسىراۋشىسىنان ايرىلۋ بويىنشا الەۋمەتتىك تولەمدەر تاعايىندالادى. قازا بولعان ەكى قۇتقارۋشىنىڭ وتباسىلارىنا قايعىرىپ كوڭىل ايتامىن. مارقۇمداردىڭ يمانى سالامات بولسىن», دەپ جازدى اسايىن بايحانوۆ جەلىدەگى پاراقشاسىندا.
ول وقيعا ورنىندا وزىمەن بىرگە تج ۆيتسە-ءمينيسترى جانە باسقا دا قىزمەتتەر بارعانىن جانە قۇتقارۋشىلار جوعارى قاۋىپتى رەجيمدە جۇمىس ىستەپ جاتقانىن جەتكىزدى.
«قازانشۇڭقىردا تاستار مەن توپىراق ءالى دە سىرعىپ جاتىر. ىزدەۋ جۇمىستارىنا بارلىعى 116 ادام, 23 تەحنيكا جۇمىلدىرىلدى. بۇگىن تاڭعى ساعات 06:00-دە استانا قالاسى تجد كينولوگتار بريگاداسى كەلىپ, بىردەن ىزدەستىرۋ جۇمىستارىنا كىرىستى. ءبىز ىزدەۋ-قۇتقارۋ جۇمىستارىن جالعاستىرامىز», دەلىنگەن حابارلامادا.
