فوتو: اشىق دەرەككوز
مۇراجايدىڭ ىشىنە مادەنيەت قايراتكەرىنىڭ كوزى تىرىسىندە قولىنا ۇستاعان زاتتارى مەن تاريحي قۇندى جادىگەرلەر قويىلعان. ءراپيا حالىققىزىنىڭ ومىرلىك جارى قازاق سسسر وقۋ-اعارتۋ ءىسىنىڭ ۇزدىگى, ەكىنشى دۇنيەجۇزىلىك سوعىس ارداگەرى, 40 جىل ۇستازدىق ەتىپ بالا وقىتقان ورداباي سادىبەكوۆ تۋرالى دا قۇندى جادىگەر, تاعىلىمدى ماعۇلمات تاماشالاۋشىلاردىڭ نازارىنا ۇسىنىلدى. مۇراجاي كابينەتتىڭ اشىلۋىنا وراي ۇيىمداستىرىلعان سالتاناتتى شارا بارىسىندا وراز ابىشەۆ تۇسىرگەن ء«راپيا» دەرەكتى ءفيلمى كوپشىلىككە كورسەتىلدى.
قورداي اۋدانى اكىمىنىڭ ورىنباسارى داميرا ماراتقىزى كەنەن اۋىلىندا اشىلعان مۇراجاي كابينەت اۋدان ءۇشىن ماڭىزى زور رۋحاني قۇندى ورىن بولعانىن, وسكەلەڭ ۇرپاقتىڭ تاريح تاعىلىمىمەن سۋسىنداۋىنا سەپتىگى تيەتىنىن ايتتى.
پق «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ توراعاسى بولات قۇرىمباەۆ, قر عىلىم اكادەمياسىنىڭ قاۋىپسىزدىك قىزمەتىنىڭ باسشىسى, پولكوۆنيك سايفۋتدين شامسۋتدينوۆ, قازاقستان كىتاپ پالاتاسىنىڭ رەداكتورى, بەلگىلى جۋرناليست نۇرىمجان ماۋىت جانە ارداگەر فوتوگروف قۋانتقان ساپاروۆ ء راپيا حالىققىزىنىڭ ونەگەلى ءومىرى جايىندا ەستەلىكتەرىن ءبولىستى.
