قالاداعى №12-ءشى ءورت ءسوندىرۋ ءبولىمىنىڭ قىزمەتكەرلەرى ورتپەن ايقاسۋعا جەدەل جەتىپ, وتتى سوندىرۋگە قىزۋ كىرىستى.
ء«ورت تۋرالى حابار بىزگە 1 قاڭتاردا ساعات 13.21-دە كەلىپ ءتۇستى. اراعا 5 مينۋت سالىپ كەزەكشى قاراۋىل وتتىڭ باسىنا جەتىپ, ادامداردى قۇتقارۋعا جانە ءورتتى سوندىرۋگە كىرىستىك. قازاندىقتان شىققان ءورت پاتەرلەرگە تاراپ ۇلگەرىپتى. سوزىلعان توبەدەن شىققان ۋلى ءتۇتىن جوعارى كوتەرىلدى. كىدىرتۋ مۇمكىن ەمەس ەدى. مەن ادامداردى ەكىنشى قاباتتىڭ تەرەزەسىنەن باسپالداقپەن قۇتقارۋ تۋرالى شەشىم قابىلدادىم. بارلىق وپەراتسيا بىرنەشە مينۋتقا سوزىلدى, ءورت سوندىرۋشىلەر نۇرسۇلتان شۇڭگىلشين مەن ەرلان مۇجىقانوۆ 7 ادامدى – 4 ايەل مەن 3 بالانى قۇتقاردى. ءورت 13 ساعات 42 مينۋتتا قۇرىقتالىپ, 13 ساعات 50 مينۋتتا تولىعىمەن جويىلدى. قۇرباندار مەن زارداپ شەككەندەر جوق», دەدى ازاماتتىق قورعاۋ ءبولىمىنىڭ قاراۋىل باستىعى, ازاماتتىق قورعاۋ لەيتەنانتى ەرسۇلتان اقتان.
ءورتتى ءسوندىرۋ كەزىندە قاراۋىلدىڭ جەكە قۇرامى جانىپ جاتقان پاتەردەن 27 ليترلىك گاز باللونىن شىعاردى. ءورتتىڭ جالپى اۋدانى 12 شارشى مەتردى قۇرادى. ۇيدە تۇراتىن ادىلەت اعا لەيتەنانتى عالىمجان ءبايبۋسيننىڭ ساۋاتتى ءىس-ارەكەتتەرىن اتاپ ءوتۋ قاجەت, ول ءورت سوندىرۋشىلەر كەلگەنگە دەيىن ءورتتى قولدا بار قۇرالدارمەن ءسوندىرۋ ارەكەتىن جاساعان, ال ءورت سوندىرۋشىلەر كەلگەن سوڭ ادامداردى ءۇيدىڭ ەكى كىرەبەرىسىنەن ەۆاكۋاتسيالاۋعا كومەكتەستى. ءۇي تۇرعىندارى وزدەرىنىڭ قۇتقارۋشىلارىنا العىستارىن ءبىلدىرىپ, ءومىرىن ساقتاپ قالۋعا جانە ەڭ از شىعىنمەن ءورتتى سوندىرگەنى ءۇشىن ريزاشىلىقتارىن ءبىلدىرىپ جاتتى. «جىگىتتەر جەدەل جەتتى. ءورت تەز ءسوندىرىلدى. ولارعا كوپ راحمەت!», دەيدى ءۇي تۇرعىندارىنىڭ ءبىرى, 19 جاستاعى كيريلل پاۆلوۆ.
سولتۇستىك قازاقستان وبلىسى
