قارلىعاش تۋرالى اڭىزدار, جانۋارلار داۋى, قاڭباق شال تۋرالى قيال-عاجايىپ اڭگىمەلەر مەن الدار كوسەنىڭ قۋلىقتارى, سونداي-اق, قازاق ەرتەگىلەرىنىڭ ايگىلى كەيىپكەرلەرىنىڭ باسقا دا شىتىرمان وقيعالارىن ەندى كىشكەنتاي سەرب وقىرماندارى وقي الادى.
جاڭا كىتاپتىڭ تۇساۋكەسەرى جاڭا جىل قارساڭىندا بەلگراد قالاسىنىڭ بالالار كىتاپحاناسىندا ءوتتى. قازاقستاننىڭ سەربياداعى ەلشىسى ءمادي اتامقۇلوۆ بالالاردى كىتاپپەن تانىستىرا وتىرىپ, ەلىمىزگە قاتىستى قىزىقتى فاكتىلەر تۋرالى ايتىپ, كىشكەنتاي وقىرماندارعا سىيلىقتار تابىس ەتتى.
كىتاپحانا قىزمەتكەرلەرى قازاقستان تاريحى مەن مادەنيەتى بويىنشا ينتەراكتيۆتى ۆيكتورينا وتكىزىپ, سونداي-اق كىتاپتان بىرنەشە قازاق حالىق ەرتەگىلەرى وقىلدى. الداعى ۋاقىتتا قازاق ەرتەگىلەرى جيناعىنىڭ جۇزدەگەن داناسى سەربيانىڭ كىتاپحانالارى مەن مەكتەپتەرىنە تاراتىلماق.
