فوتو: gov.kz
قاراعاندى وبلىسى اۆتوجولدارىندا تجد قۇتقارۋشىلارى قار قۇرساۋىندا قالعان اۆتوكولىكتەردەن 20 ادامدى, ونىڭ ىشىندە 4 بالانى قۇتقاردى. سونىمەن قاتار, تجم 52859 اسكەري ءبولىمىنىڭ اسكەري قىزمەتشىلەرىمەن جانە پوليتسيامەن بىرلەسىپ بلوكپوستتاردىڭ جابىق پۋنكتتەرىنەن جاقىن ماڭداعى ەلدى مەكەندەر مەن جول بويىنداعى كەمپينگتەرگە 287 ادامدى, ونىڭ ىشىندە 29 بالانى ەۆاكۋاتسيالادى.
وبلىستىق ماڭىزى بار «كۋرچاتوۆ – سەمەي» اۆتوجولىندا كولىك قوزعالىسى جابىلۋىنا بايلانىستى اباي وبلىستىق تجد كۇشتەرىمەن 5 ادام, ونىڭ ىشىندە 1 بالا ۋاقىتشا ورنالاستىرۋ پۋنكتىنە بىرگە ءجۇرىپ بارعان. سونداي-اق سەمەي قالاسىندا تجد قۇتقارۋشىلارى ءشۇلبى سۋ قويماسىندا اۆتوكولىكپەن مۇز استىنا ءتۇسىپ كەتكەن 2 بالىقشىنى قۇتقاردى.
جەتىسۋ وبلىسى الاكول اۋدانىندا ء«ۇشارال-دوستىق» اۆتوجولىنىڭ 130 كم جالاڭاشكول ۋچاسكەسىندە تجد كۇشىمەن قار قۇرساۋىندا قالعان ەكى جەڭىل كولىكتەن 3 ادام قۇتقارىلىپ, دوستىق ستانتسياسىنا جەتكىزىلدى.
اقمولا وبلىسى ارشالى اۋدانى تۇرگەن اۋىلىنان اتپەن مال ىزدەپ شىعىپ, جوعالىپ كەتكەن ەكى ەر ادامدى ىزدەۋ توبى اۋىلدان 15 كم قاشىقتىقتان تاپتى.
ۇلىتاۋ وبلىسى جاڭاارقا اۋدانىندا تجد, جەرگىلىكتى اتقارۋشى ورگانداردىڭ, پوليتسيا ءبولىمىنىڭ, جەرگىلىكتى تۇرعىنداردىڭ كۇشىمەن 2 قاڭتاردا «بەكشە» قىستاعىنان ىنتىماق اۋىلىنا قاراي شىعىپ, جوعالىپ كەتكەن ەر ادامدى ىزدەۋ توبى 3 قاڭتاردا «بەكشە» قىستاۋىنان 10 كم قاشىقتىقتان تاۋىپ الدى.
سونىمەن قاتار قاراعاندى, اقمولا وبلىستارىندا «الماتى-ەكاتەرينبۋرگ», «ششۋچينسك-استانا» اۆتوجولدارىندا اۆتوكولىكتەر سوقتىعىسقان كەزدە 26 ادام, ونىڭ ىشىندە 1 بالا قۇتقارىلدى.
