فوتو: egemen.kz
ء«بىز توراعا سي تسزينپينمەن بىرگە قازاقستان مەن قىتاي اراسىنداعى ىنتىماقتاستىقتىڭ جاڭا «التىن وتىز جىلدىعىنا» قادام باستىق. مەن بىلتىر قىتايعا ءبىر ەمەس, ەكى مارتە ساپارمەن باردىم. بۇل – ەلدەرىمىز اراسىنداعى تىعىز ىقپالداستىقتىڭ ايقىن دالەلى.
قىتاي كوشباسشىسىمەن سياندا جانە بەيجىڭدە مازمۇندى كەلىسسوزدەر جۇرگىزىپ, ماڭىزدى ۋاعدالاستىقتارعا قول جەتكىزدىك. ونى جۇزەگە اسىرۋدىڭ ناقتى جولدارىن بەلگىلەدىك. وسىنداي جەكە جۇزدەسۋلەر استانا مەن بەيجىڭنىڭ بايلانىستارى جوعارى دەڭگەيدە ەكەنىن كورسەتەدى. بۇگىندە قازاق-قىتاي قاتىناستارى كوپكە ۇلگى بولىپ وتىر دەپ سەنىممەن ايتا الامىن», دەدى مەملەكەت باسشىسى.
وسى رەتتە پرەزيدەنت ەكى ەلدىڭ ءوزارا تاۋار اينالىمى جىل ساناپ ارتىپ كەلە جاتقانىن تىلگە تيەك ەتتى.
ء«وزارا تاۋار اينالىمىنىڭ كولەمى 2023 جىلدىڭ 10 ايداعى قورىتىندىسى بويىنشا 24,3 ميلليارد دوللارعا جەتتى. بۇل – جاڭا رەكورد! قازىر ەكسپورتقا شىعارىلاتىن وتاندىق تاۋار تۇرلەرىن كوبەيتىپ, قحر-عا جۇك تاسىمالىن ارتتىرۋ ءۇشىن بەلسەنە جۇمىس ىستەپ جاتىرمىز. قىتاي بۇرىننان قازاقستان ەكونوميكاسىنا مول قارجى قۇيعان ءىرى ينۆەستورلاردىڭ قاتارىنا كىرەدى. وسى ۋاقىتقا دەيىن قحر ەلىمىزگە 24 ميلليارد دوللار ينۆەستيتسيا سالدى.
قىتايمەن ورتاق شەكارامىزدىڭ بولۋى, شىعىس پەن باتىستىڭ اراسىنداعى ۇتىمدى جەردە تۇرعانىمىز قىتاي تاۋارلارىن ءتۇرلى باعىتقا قازاقستان اۋماعى ارقىلى تاسىمالداۋعا زور مۇمكىندىك بەرەدى. ويتكەنى بەيجىڭدە جوعارى دەڭگەيدە وتكەن ء«بىر بەلدەۋ, ءبىر جول» اتتى ءۇشىنشى فورۋم اياسىندا بىرقاتار ماڭىزدى قۇجاتقا قول قويىلدى. سونىڭ ىشىنەن ترانسكاسپي حالىقارالىق كولىك ءدالىزىن بىرلەسە دامىتۋ جونىندەگى كەلىسىمدى جانە «اياگوز – تاچەن» باعىتىنداعى تەمىر جول قۇرىلىسى تۋرالى مەموراندۋمدى اتاپ وتۋگە بولادى. بۇل كەلىسىمدەر ەلىمىزدىڭ كولىك-لوگيستيكا سالاسىنا تىڭ سەرپىن بەرەتىنىنە سەنىمدىمىن. قازاقستان قىتايدىڭ ء«بىر بەلدەۋ, ءبىر جول» مەگاجوباسىن تولىعىمەن قولدايدى. بىلتىر قازان ايىندا بەيجىڭدە وتكەن فورۋمدا سويلەگەن ءسوزىم – وسىنىڭ تاعى ءبىر دالەلى.
قازاقستان مەن قىتاي اراسىندا ۆيزاسىز ءجۇرۋ رەجىمى كۇشىنە ەندى. مۇنىڭ ءمانى زور. ەندى وتانداستارىمىز كورشى ەلگە ەمىن-ەركىن بارىپ, كەلە الادى. ازاماتتارىمىز وسى مۇمكىندىكتى وڭتايلى پايدالانادى دەپ ۇمىتتەنەمىن. ەلىمىزدە قىتايعا قاتىستى باياعى قاساڭ تۇسىنىكتەرگە نەگىزدەلگەن نەمەسە بىزگە سىرتتان تاڭىلعان ءجونسىز ۇرەي بولماۋعا ءتيىس» ەكەنىن ەسكەرتتى ق.توقاەۆ.
بۇل كۇندە قىتاي مەملەكەتى دامۋدىڭ داڭعىل جولىنا تۇسكەن, وزىق تەحنولوگياسىمەن مول تابىسقا كەنەلىپ وتىرعان مەملەكەت ەكەنىن جەتكىزدى. شىعىستاعى كورشىمەن تاتۋ بولىپ, ىنتىماقتى بايلانىس ورناتۋ ەلىمىز ءۇشىن اسا ماڭىزدى قادام ەكەنىن اتاپ ءوتتى.
