«وسىنداي تۇرعىن ۇيلەردىڭ قۇرىلىسى الداعى جىلدا دا جالعاسادى. بىلتىر ۇكىمەت قاۋلىسىمەن 2023-2024 جىلدارعا ارنالعان تۇرعىن ءۇي-كوممۋنالدىق ينفراقۇرىلىمدى جەتىلدىرۋ جونىندە تۇجىرىمداما قابىلدانعان بولاتىن. سول قۇجات اياسىندا بيىل ءبىز ورال قالاسىندا كەزەكتە تۇرعان 25 وتباسىنا پاتەر ساتىپ الىپ بەردىك. وبلىس كولەمىندە وسىنداي 180 پاتەر الىندى. كەلەر جىلى 290 تۇرعىن ءۇي مەن پاتەر الىنادى, ونىڭ 130-ى – ورال قالاسىنان بولادى. مۇنىڭ بارلىعى – تۇرعىن ءۇي كەزەگىندە تۇرعان مۇقتاج ازاماتتارعا مەملەكەتتىڭ قولداۋى», دەيدى ن.تورەعاليەۆ.
«باقىتتى وتباسى» باعدارلاماسىنا ءى, ءىى توپ مۇگەدەكتەرى, مۇمكىندىگى شەكتەۋلى بالا باعىپ وتىرعان وتباسىلار, كوپبالالى تولىق ەمەس شاڭىراقتار جانە جەتىمدەر ساناتىنداعى ازاماتتار قاتىسا الادى. بۇل كەلەر جىلى دا جالعاسادى. نەسيە جىلىنا 2 پايىزدىق مولشەرلەمەمەن 20 جىلعا دەيىنگى مەرزىمگە بەرىلەدى. باستاپقى جارنا – پاتەر قۇنىنىڭ 10 پايىزى عانا», دەيدى «وتباسى بانك» اق باتىس قازاقستان وبلىستىق فيليالىنىڭ ديرەكتورى ايدا يپاتوۆا.
ءدال قازىر ورال قالاسىندا كوپقاباتتى 14 ءۇيدىڭ قۇرىلىسى ءجۇرىپ جاتىر. بۇدان بولەك 2024 جىلى «قالادان – اۋىلعا» باعدارلاماسى اياسىندا اۋىلدىق ەلدى مەكەندەردە دە تۇرعىن ءۇي قۇرىلىسى باستالادى.
باتىس قازاقستان وبلىسى
