بواو حالىقارالىق پوەزيا فەستيۆالى, دۇنيەجۇزىلىك پوەزيا قوزعالىسى جانە ازيا پوەزياسىن دامىتۋ قورى سياقتى 10 ۇيىمنىڭ باستاماسىمەن, التىنشى «بواو حالىقارالىق پوەزيا سىيلىعىنا» ۇمىتكەرلەردى ىرىكتەۋ وسى جىلدىڭ 11 ساۋىرىندە باستالىپ, 10 قىركۇيەكتە اياقتالعان بولاتىن. ءداستۇر بويىنشا «ۇزدىك جەتىستىك» اتالىمىنىڭ يەگەرى قازىلار القاسىنىڭ ۇسىنۋىمەن داۋىسقا سالۋ ارقىلى انىقتالادى.
ايتا كەتەيىك, بواو حالىقارالىق پوەزيا سىيلىعى 2018 جىلى تاعايىندالعان. سىيلىق دۇنيە جۇزىندە پوەزيا شىعارماشىلىعىن وركەندەتۋگە, قىتاي پوەزياسىنىڭ ينتەرناتسيونالدانۋىن ىلگەرىلەتۋگە باعىتتالعان. سىيلىق يەگەرلەرىن انىقتاۋعا قىتاي پوەزيا مەكتەپتەرى جەلىسىنىڭ باستاماسىمەن وننان استام قىتايلىق جانە شەتەلدىك پوەزيا (ادەبي) ينستيتۋتى اتسالىسادى.
