بيىل اتالعان جوبا اياسىندا مەملەكەت باسشىسىنىڭ اتىنا قازاقستاننىڭ تۇكپىر-تۇكپىرىنەن كوپتەگەن حات كەلىپ ءتۇستى, سونىڭ ىشىندە كوپ بالالى وتباسىنان شىققان, اتا-اناسىنىڭ قامقورلىعىنسىز قالعان, مۇمكىندىگى شەكتەۋلى جانە جەتىم بالالاردان 100-دەن استام تىلەك جولداندى.
بۇلدىرشىندەر ءوز حاتتارىندا ۆەلوسيپەد, دومبىرا, كومپيۋتەر, جازعى لاگەرگە جولداما جانە باسقا دا زاتتاردى سىيلىققا الۋدى, ءتىپتى, استاناعا كەلىپ «اقوردا» رەزيدەنتسياسىن ارالاپ كورۋدى سۇراعان.
بالالاردىڭ حاتتارىنا جاۋاپ بەرگەن پرەزيدەنت ولاردى جاڭا جىلمەن قۇتتىقتادى. سونداي-اق بۇل ەرتەگىدەي ەرەكشە مەرەكە ەكەنىن اتاپ ءوتىپ, بۇلدىرشىندەرگە ءوز اتىنان ارنايى سىيلىقتار جىبەردى.
مەملەكەت باسشىسى بالالاردى بىلىمگە قۇشتار بولۋعا, كىتاپ وقۋعا, سپورتپەن شۇعىلدانۋعا, تابيعاتتى ايالاۋعا جانە جاقسىلىق جاساۋعا شاقىردى.
