ونىڭ سوزىنە قاراعاندا, قىلمىس ورىن العاننان بەرى ول نە بولعانىن تۇسىنۋگە تىرىسقان.
- بالالارىممەن بىرگە ءبىز سالتاناتتىڭ وتباسىنا ورنى تولماس قازاعا شىن جۇرەكتەن قايعىرىپ كوڭىل ايتامىز. مەن ونى جەكە تانىمادىم, بىراق بالالار ونىمەن دوس بولدى جانە ونى جارقىن, مەيىرىمدى جانە وتە جاناشىر ادام رەتىندە ەسكە الادى. بۇل قاسىرەت, ويتكەنى مۇنىڭ بارلىعىن وزدەرىنە جاقىن بولىپ كورىنەتىن, ولارعا تىرەك, ۇلگى بولۋى ءتيىس ادام ىستەگەن. بۇل قورقىنىشتى, ۇيات جانە ادام توزگىسىز ازاپ, - دەيدى ەكس-شەنەۋنىكتىڭ ءبىرىنشى جارى.
سونداي-اق نازىم بالالارىنىڭ باسىنان وتكەن قيىنشىلىقتاردى, ارينە, سالتاناتتىڭ جاقىندارىنان ايىرىلۋ ازابىمەن سالىستىرۋعا كەلمەيتىنىن اتاپ وتەدى.
- دەگەنمەن مەن ولاردىڭ ارقاشان جاقسىلىق جاعىندا بولاتىنىنا سەنەمىن جانە بىلەمىن. وسى سەنىمنىڭ ارقاسىندا بالالار دا, مەن دە العا جىلجىپ كەلەمىز», - دەپ جازدى ول.
ايتا كەتەيىك, 2017 جىلى بيشىمباەۆ سوتتالعان كەزدە قاسىندا نازىم بولعان. ەرلى-زايىپتىلار 14 جىل بىرگە ءومىر سۇرگەن, ەكس-مينيستر 2020 جىلى بوستاندىققا شىققاننان كەيىن اجىراسقان. ەرلى-زايىپتىلاردىڭ ءۇش بالاسى بار.
سالتانات نۇكەنوۆا 9 قاراشا كۇنى قازا تاپتى. ال قۋاندىق بيشىمباەۆ ۇستالدى.
