كورەرمەن نازارىنا كىلەم وندىرىسىندە الدىڭعى قاتارلى قولونەر بۇيىمدارىن دايىندايتىن «Nasim Nayman Qazaq Karpet» كومپانياسىنىڭ كىلەمدەرى ۇسىنىلعان. كومپانيا باسشىسى – ءناسيم نايمان كىشكەنتايىنان كىلەم توقۋ ىسىمەن اينالىسىپ, اۋعانستاندا كىلەمدى قولمەن توقۋ ونەركاسىبىنىڭ دامۋىنا سەپتىگىن تيگىزدى.
«حالقىمىزدىڭ قولونەرىن دامىتۋعا باعىتتالعان شارالار ءۇشىن ۇلتتىق مۋزەيدىڭ ەسىگى ارقاشاندا اشىق ەكەنىن ايتىپ وتكىم كەلەدى. ونىڭ ءبىر مىسالى رەتىندە بيىلعى جىلى ۇلتتىق مۋزەيدە اشىلعان «قولونەرشىلەر ورتالىعىن» اتاپ وتۋگە بولادى. بۇگىنگى كورمە دە وسىنىڭ دالەلى. بۇل كورمەنىڭ ەرەكشەلىگى – سوناۋ اۋعانستان جەرىندەگى ءوزىمىزدىڭ باۋىرلارىمىز توقىعان كىلەمدەردىڭ حالىق نازارىنا ۇسىنىلۋى. ولار وسى ونەردى كەرەمەت دامىتىپ قانا قويماي, ونى الەمدىك دەڭگەيدە ناسيحاتتاپ جۇرگەنىنە كوز جەتكىزدىك», دەدى ۇلتتىق مۋزەيدىڭ عىلىمي حاتشىسى سايالبەك عيزاتوۆ.
كورمەگە 2023 جىلى توقىلعان جانە ءتۇرلى كومپوزيتسيالىق سيۋجەتتەردى ۇسىناتىن 60-قا جۋىق كىلەم قويىلدى.
