قازاقستان پرەزيدەنتى جانىنداعى ادام قۇقىقتارى جونىندەگى كوميسسيا توراعاسىنىڭ ورىنباسارى تاستەمىر ابىشەۆتىڭ ايتقان ويى دوڭگەلەك ۇستەلگە قاتىسۋشىلاردىڭ ۇلكەن قىزىعۋشىلىعىن تۋدىردى.
كوميسسيا توراعاسىنىڭ ورىنباسارى ءوز سوزىندە قازاقستاندا ادام قۇقىقتارىن ساقتاۋ ماسەلەلەرىنىڭ حالىقارالىق مىندەتتەمەلەرى تۇرعىسىنان وزەكتىلىگىن, سونداي-اق ادام قۇقىقتارىن قورعاۋ تەتىكتەرىن جەتىلدىرۋدە جانە ەڭبەكشى-ميگرانتتاردىڭ الەۋمەتتىك-ەكونوميكالىق, ەڭبەك, ازاماتتىق جانە مادەني قۇقىقتارىن نىعايتۋدا مەملەكەت باسشىسى ق.توقاەۆتىڭ جولداۋلارىن ەسەپكە الۋدىڭ ماڭىزدىلىعىن اتاپ ءوتتى.
بۇدان ءارى كوميسسيا توراعاسىنىڭ ورىنباسارى قازاقستان رەسپۋبليكاسىنىڭ مەملەكەتتىك ساياساتىندا كوشى-قون ساياساتى ونىڭ ماڭىزدى ستراتەگيالىق باعىتتارىنىڭ ءبىرى بولىپ تابىلاتىنىن جانە سىرتقى كوشى-قون سالاسىندا – ەتنوستىق رەپاترياتسيانى (قانداستاردى) ىنتالاندىرۋعا جانە جوعارى بىلىكتى ەڭبەكشى-ميگرانتتاردى تارتۋعا, ىشكى كوشى-قون سالاسىندا – ەكونوميكانىڭ قاجەتتىلىكتەرىنە سايكەس جانە ولارداعى دەموگرافيالىق جاعدايدى ەسكەرە وتىرىپ, حالىقتى سولتۇستىك وڭىرلەر بويىنشا قونىستاندىرۋ پروبلەمالارىن شەشۋگە باعدارلانعانىن اتاپ ءوتتى.
سونداي-اق كوميسسيا توراعاسىنىڭ ورىنباسارى مەملەكەت باسشىسى ق.توقاەۆ زاڭ ۇستەمدىگىنە جانە ءبىزدىڭ قوعامداعى قۇقىقتىق مادەنيەتتى ورناتۋعا, قازاقستان رەسپۋبليكاسىنىڭ حالىقارالىق مىندەتتەمەلەرى اياسىندا اركىمنىڭ كونستيتۋتسيالىق قۇقىقتارىن ساقتاۋعا ماڭىزدى ءمان بەرەتىنىن ەرەكشە اتاپ ءوتتى.
دوڭگەلەك ۇستەل بارىسىندا ادام قۇقىقتارى مەن بوستاندىقتارىن, ونىڭ ىشىندە قازاقستان رەسپۋبليكاسىنىڭ كونستيتۋتسياسىمەن جانە قولدانىستاعى زاڭناماسىمەن كەپىلدەندىرىلگەن ميگرانتتاردىڭ قۇقىقتارىن ىسكە اسىرۋ, حالىقارالىق ستاندارتتارعا سايكەس ادام قۇقىقتارىن قورعاۋدىڭ ۇلتتىق تەتىكتەرىن جەتىلدىرۋ ماسەلەلەرى بويىنشا مۇددەلى پىكىر الماسۋ ءوتتى.
دوڭگەلەك ۇستەلگە قاتىسۋشىلاردىڭ باياندامالارى مەن سويلەگەن سوزدەرىندە حالىقارالىق قۇقىق نورمالارىن يمپلەمەنتاتسيالاۋ, ادام قۇقىقتارىن قورعاۋدىڭ ۇلتتىق تەتىكتەرىن جەتىلدىرۋ ماسەلەلەرى, سونداي-اق قازاقستاندا ادام قۇقىقتارىن سوت ارقىلى جانە سوتتان تىس قورعاۋدى جەتىلدىرۋ ماسەلەلەرى كەڭىنەن قوزعالدى.
دوڭگەلەك ۇستەلگە قاتىسۋشىلار قازاقستان راتيفيكاتسيالاعان ادام قۇقىقتارى جونىندەگى حالىقارالىق شارتتاردىڭ ادام قۇقىقتارىن قورعاۋ تەتىكتەرىن جەتىلدىرۋدەگى جانە ادام قۇقىقتارىن قورعاۋدىڭ ۇلتتىق جۇيەسىن نىعايتۋداعى ماڭىزدىلىعىن اتاپ ءوتتى.
ءار وڭىردە وتكەن دوڭگەلەك ۇستەلدىڭ ازىرلەنگەن ۇسىنىمدارى ۋاكىلەتتى مەملەكەتتىك ورگاندارعا جولداناتىن بولادى.
