بىردەن ايتا كەتەيىك, كيريلل گەراسيمەنكو, الان قۇرمانعاليەۆ جانە زاۋرەش اقاشەۆا سىندى حالىقارالىق دودالاردا ەل نامىسىن قورعاپ جۇرگەن ساقا سپورتشىلار بۇل باسەكەدەن بوساتىلدى. بىراق ودان جارىستىڭ قىزىعى ەش كەمىپ قالعان جوق. كەرىسىنشە, وزگە سپورتشىلار وزدەرىنىڭ مىقتىلىعىن دالەلدەۋ ءۇشىن بارىن سالىپ, ءتۋرنيردىڭ كورىگىن قىزدىردى. اسىرەسە جالىندى جاستاردىڭ جەڭىسكە دەگەن قۇلشىنىسى قۋانتتى. ناتيجەسىندە, ەرلەر اراسىندا ايدوس كەنجەعۇلوۆ قارسىلاس شاق كەلتىرمەي, باس جۇلدەنى ولجالادى. ەكىنشى ورىندى ەسكەندىر حاركي ەنشىلەسە, ۆلاديسلاۆ زاحاروۆ ءۇشىنشى ساتىعا تابان تىرەدى.
ال قىزدار سايىسىندا جانەركە كوشكىمباەۆا الدىنا جان سالماي, التىننان القا تاقتى. اناستاسيا لاۆروۆا كۇمىسپەن كۇپتەلسە, سارۆينوز مىرقادىروۆا قولاعا قول سوزدى.
