جىلىجايلاردى مەملەكەتتىك قولداۋ اۋىل شارۋاشىلىعى مينيسترلىگىنىڭ وسىمدىك شارۋاشىلىعىن سۋبسيديالاۋ ەرەجەلەرىنە تولىقتىرۋلار ەنگىزىلگەننەن كەيىن جۇزەگە استى. وسىعان ۇقساس نورما جىلىجاي كوكونىستەر ءوندىرىسىن قولداۋ ماقساتىندا العاش رەت 2023 جىلى ەنگىزىلدى. جىلىجاي يەلەرى سۋبسيديانى الۋ ءۇشىن ءوندىرىس تەحنولوگيالارىنا سايكەستىك سەرتيفيكاتى (ەسەبىنىڭ) بولۋى كەرەك.
ۇلتتىق ستاندارتتى قر سيم تەحنيكالىق رەتتەۋ جانە مەترولوگيا كوميتەتى, اۋىل شارۋاشىلىعى مينيسترلىگى مەن بيزنەس وكىلدەرى بىرلەسىپ ازىرلەدى. جاڭا نورما 2023 جىلدىڭ 1 مامىرىنان باستاپ كۇشىنە ەندى.
2023 جىلدىڭ 25 جەلتوقسانداعى مالىمەت بويىنشا 814 جىلىجاي ۇلتتىق ستاندارتقا سايكەستىك سەرتيفيكاتىن الدى, تاعى 825 ءوتىنىم قاراستىرىلىپ جاتىر.
بۇگىندە تۇركىستان وبلىسى مەن شىمكەنتتە قالاسى جىلىجاي شارۋا قوجالىقتارىنىڭ يەلەرىنە سۋبسيديا تولەۋ باستالدى. جەلتوقسان ايىندا جىلىجايلاردا كوكونىس داقىلدارىن ەگۋ باستالادى. ال, سۋبسيديا مولشەرلەمەلەرى ەرەجەگە سايكەس كوشەتتەردىڭ ونگەن كولەمىنە قاراي تولەنەدى (1 شارشى مەترگە بەلگىلەنگەن كوشەتتەردىڭ كەمىندە 95%-ى). تۇركىستان وبلىسىندا جىلىجاي فەرمەرلەرىنە جالپى كولەمى 565 ملن تەڭگە, شىمكەنت قالاسىنداعى جىلىجايلار ءۇشىن 341,9 ملن تەڭگە تولەنبەك. قازىر تۇركىستان وبلىسىندا 112 سۋبسيديا الاتىن 106-سى شارۋا قوجالىقتاردىڭ جىلىجايى, 6-ى ونەركاسىپتىك جىلىجاي بار.
سونىمەن قاتار اۋىل شارۋاشىلىعى مينيسترلىگى جىلىجاي شارۋاشىلىعىن ينۆەستيتسيالىق قولداۋ شەڭبەرىندە جىلىجاي كەشەندەرىن سالۋ جانە كەڭەيتۋگە بەرىلەتىن سۋبسيديا كولەمىن 25%-دان 30%-عا دەيىن ارتتىرۋ تۋرالى شەشىم قابىلداعان ەدى. بۇل نورما 2023 جىلعى 10 جەلتوقساندا كۇشىنە ەندى.
