فوتو: الماتى قالاسىنىڭ ءباسپاسوز قىزمەتى
قالا اكىمدىگى ءباسپاسوز قىزمەتىنىڭ مالىمەتىنشە, مەرەكەگە 300-دەن استام بالا, ونىڭ ىشىندە جەتىم, اتا-انانىڭ قامقورلىعىنسىز قالعان, از قامتىلعان جانە كوپبالالى وتباسىلاردان شىققان, ەرەكشە ءبىلىم بەرۋ قاجەتتىلىكتەرى بار, سونداي-اق وقۋدا, سپورتتا جانە شىعارماشىلىقتا جەتىستىككە جەتكەن دارىندى بالالار شاقىرىلعان.
مەملەكەت باسشىسى قاسىم-جومارت توقاەۆتىڭ اتىنان شىرشا قوناقتارىن الماتى قالاسىنىڭ اكىمى ەربولات دوساەۆ قۇتتىقتاپ, بالالارعا زور دەنساۋلىق, تابىس جانە جاڭا جىلدا بارلىق نيەت- ارماندارىنىڭ ورىندالۋىن تىلەدى.
كونتسەرتتىك باعدارلاما «جاڭا جىلدىق سيقىر» مۋزىكالىق-ينتەراكتيۆتى شوۋ-سپەكتاكلى بولدى. سپەكتاكلدىڭ اجىراماس بولىگى ەركەش حاسەننىڭ وىرنداۋىندا «جاڭا جىل» ءانىنىڭ ورىندالۋى مەن بالالاردىڭ شىرشانى اينالىپ, وسى ءاندى ايتۋلارى ارقىلى شىرشانىڭ جاعىلۋى, اياز اتا مەن اقشا قاردىڭ, 2024 جىلدىڭ سيمۆولى – ايداھار مەن تانىمال مۋلتفيلمدەر مەن انيماتورلار كەيىپكەرلەر بولدى.
ايتا كەتەرلىگى, بيىل شىرشانىڭ تومەنگى بولىگىنە ويىنشىقتار ىلىنبەدى, بالالار وزدەرى ونى بەزەندىرۋگە قاتىسىپ, «جاسىل شىرشاعا» جاڭا جىلدىق ويىنشىقتاردى ءىلدى.
ءىس-شارا سوڭىندا بارلىق قوناقتار قازاقستان رەسپۋبليكاسى پرەزيدەنتىنىڭ اتىنان جاڭا جىلدىق سىيلىقتار الدى.
