بيىل قازاقستان قۇراماسى ەۋرو-24 ىرىكتەۋ كەزەڭىنىڭ 2 تۋرىندا دانياعا قارسى جاسىل الاڭعا شىققان ەدى.
كەزدەسۋدە 3:2 ەسەبى تىركەلىپ, ۇلتتىق قۇراما بۇل ويىندى جەڭىسپەن اياقتادى.
جەڭىسكە جاقىنداتقان گولدى ويىننىڭ 86 - مينۋتىندا قۇراما كاپيتانى اسحات تاعىبەرگەن سالعان ەدى.
ۋەفا-نىڭ تەحنيكالىق قاداعالاۋشى ماماندارى بۇعان دەيىن قۇرلىقتىق دودانىڭ ىرىكتەۋ ساتىسىنداعى ۇزدىك ون گولدى انىقتاعان ەدى. ولار اسحات تاعىبەرگەننىڭ الىستان سوققان گولىن سەگىزىنشى ورىنعا لايىقتى دەپ تانىدى.
الايدا جانكۇيەرلەردىڭ داۋىس بەرۋى بويىنشا وتاندىق فۋتبولشىنىڭ گولى ءبىرىنشى ورىنعا شىقتى.
ەكىنشى جانە ءۇشىنشى ورىندارعا البانيا قۇراماسىنىڭ ويىنشىلارى ياسير اساني مەن كريستيان ءاسلانيدىڭ سوققان گولدارى لايىقتى دەپ باعالاندى.
ايتا كەتەيىك, اسحات تاعىبەرگەن ماۋسىم قورىتىندىسى بويىنشا ۇزدىك گول اۆتورىنا بەرىلەتىن «پۋشكاش» تروفەيىنە دە ۇمىتكەرلەر قاتارىندا بار.
