بۇل قادام ەلدىڭ پەرسپەكتيۆالى ۋچاسكەلەرىنىڭ گەولوگيالىق قۇرىلىمىن تەرەڭ ءتۇسىنۋ جانە تاۋ-كەن سالاسىنا جاڭا ينۆەستيتسيالار اعىنىن ىنتالاندىرۋعا باعىتتالعان.
مينيسترلىك جەر قويناۋىن زەرتتەۋدىڭ تيىمدىلىگىن ارتتىرۋعا, سونداي-اق جەر قويناۋىن پايدالانۋ پروتسەستەرىن اۆتوماتتاندىرۋعا كۇش-جىگەرىن جۇمىلدىردى. بۇل ءىس-شارالار جەرگىلىكتى جانە حالىقارالىق تاۋ-كەن كومپانيالارىنىڭ نازارىن اۋدارۋىنا مۇمكىندىك بەردى. «Minerals.gov.kz» پلاتفورماسىندا ءوتىنىش بەرۋدىڭ اۆتوماتتاندىرىلعان جۇيەسىن ەنگىزۋ بۇل باعىتتاعى ماڭىزدى قادام بولدى.
2023 جىلعى 2 قازاننان 1 قاراشاعا دەيىن مينيسترلىك «minerals.gov.kz» پلاتفورماسى ارقىلى 300 000 بلوكتى قامتيتىن جاڭا اۋماقتاردا قاتتى پايدالى قازبالاردى بارلاۋعا وتىنىمدەر قابىلدادى.
2023 جىلعى 20 جەلتوقساندا e-qazyna.kz پلاتفورماسىندا 45 جەر قويناۋى ۋچاسكەسىندە قاتتى پايدالى قازبالاردى بارلاۋ قۇقىعىنا ەلەكتروندى اۋكتسيون ءوتتى. اۋكتسيون Riotinto, Fortescue, Kratos Resources, Cove Capital, Eczacibasi Holding, Kazakhmys Corporation, ERG Exploration, «قازگەولوگيا» ۇگك, ALINA HOLDING جانە ت.ب. وسى سياقتى ءىرى كومپانيالاردىڭ نازارىن اۋداردى. اۋكتسيوننىڭ جازىلۋ بونۋسى شامامەن 2,5 ملرد تەڭگەنى قۇرادى.
مينيسترلىكتىڭ باستامالارى قازاقستاننىڭ تاۋ-كەن ونەركاسىبى ءۇشىن جاڭا مۇمكىندىكتەر اشادى. بۇل شارالار ەكونوميكالىق وسۋگە جانە وسى سالاداعى الەمدىك نارىقتاعى ەلدىڭ پوزيتسياسىن نىعايتۋعا ىقپال ەتەدى.
