وسى شارت نەگىزىندە وبلىس ورتالىعىنداعى ابىلاي حان الاڭىندا مۇز قالاشىعى سالىنادى, ونىڭ بيىكتىگى – 22 مەتر. جاڭا جىلدىڭ باستى شىرشاسى ورناتىلىپ, ءتۇرلى ءتۇستى جارىقديوتتى شامدارمەن جانە اشەكەي بۇيىمدارمەن بەزەندىرىلەدى. قازىرگى كەزدە شىرشا قۇراستىرىلىپ جاتىر.
سونىمەن بىرگە 2024 جىلعا وتەتىن جول بيىكتىگى 3 م جانە ۇزىندىعى 12 مەتر, ونىڭ الدىڭعى بولىگىندە بيىكتىگى 1 مەتر جانە ۇزىندىعى 80 مەتر قورشاۋ, اياز اتا كومپوزيتسياسى جانە اياز اتانىڭ ءۇش تۇلپارى مەن شاناسىنىڭ كومپوزيتسياسى, سەگىز كەيىپكەر, «سىيلىق» كومپوزيتسياسى, «قىسقى اي» كومپوزيتسياسى, جاڭاجىلدىق شامدارى بار كۇمبەز, ساكۋرا جانە اق اعاشتار, سونداي-اق قالانىڭ ورتالىق كوشەلەرىندەگى جارىق باعاندارىنا ءتۇرلى ءتۇستى جارىق پانەل كرونشتەيندەرىن ورناتۋ قاراستىرىلعان. مۇنىڭ ءبارى جارىقديودتى ديزاينمەن جاسالادى.
بۇدان بولەك, ابىلاي حان الاڭىندا, «دوستار» مادەنيەت ءۇيى مەن «بولاشاق سارايىنا» الدىندا ءبىر ۇلكەن, ءبىر كىشىرەك سىرعانايتىن مۇز توبەشىك ورناتىلادى. سونداي-اق وبلىستىق فيلارمونيانىڭ جانىندا, زاستانتسيوننىي, ۆاسيلكوۆسكي, سارىارقا, تسەنترالنىي, قۇلاگەر, بەيبىتشىلىك, جايلاۋ شاعىناۋداندارىندا, ابىلاي حان داڭعىلى مەن شۇعىلا كوشەسىندە ءبىر شىرشادان ورناتىلماق.
«مۇز قالاشىعىن پايدالانۋ كەزىندە ونى كۇتىپ ۇستاۋ, كەيىن بولعان سوڭ بولشەكتەپ جيناستىرۋ كوزدەلگەن. مەرەكەلىك ءىس-شارالارعا ارنالعان شىعىستاردى قىسقارتۋ ماقساتىندا بۇرىن بەلگىلەنگەن جانە جارامدى كۇيدە تۇرعان بەزەندىرۋ ەلەمەنتتەرىن قايتا ساتىپ الۋ جۇرگىزىلمەيدى», دەپ جازدى قالا اكىمدىگىنىڭ ءباسپاسوز قىزمەتىنەن.
