فوتو: Turizm jane sport ministrligi
2011 جىلى الماتى مەن استانادا ەلىمىز بويىنشا العاش رەت VII قىسقى ازيا ويىندارى ۇيىمداستىرىلىپ, قازاقستان قۇراماسى كوماندالىق ەسەپتە ءبىرىنشى ورىنعا يە بولدى: 32 التىن, 21 كۇمىس, 17 قولاعا قول جەتكىزىپ, بۇرىن-سوڭدى بولماعان رەكورد تىركەدى.
2013 جىلى الماتىداعى بالۋان شولاق اتىنداعى سارايدا بوكستان ەرەسەكتەر اراسىندا ەكى اپتاعا سوزىلعان əلەم چەمپيوناتى ءوتىپ, ءبىرجان جاقىپ, مەرەي اقشالوۆ, دانيار ەلەۋسىنوۆ, جəنىبەك ءƏلىمحان ۇلى əلەمدىك سىندا اتوي سالدى. 4 التىن, 2 كۇمىس, 2 قولا مەدال ەنشىلەگەن قازاقستان قۇراماسى جالپىكوماندالىق ەسەپتە كوش باستادى.
2014 جىلى الاتاۋ باۋرايىندا اۋىر اتلەتيكادان وتكەن جاھاندىق دودادا قازاقستان قۇراماسى 3 التىن, 2 كۇمىس, 1 قولامەن جالپىكوماندالىق ەسەپتە 3-ورىنعا يە بولدى. الەمدىك جارىستا ءزۇلفيا چينشانلو, سول ۋاقىتقا دەيىن ءۇش دۇركىن əلەم چەمپيونى بولىپ, تورتكۇل دۇنيەگە ءوزىن مويىنداتىپ ۇلگەرگەن يليا يلين جانە جاسۇلان قىدىرباەۆ توپ جاردى.
الەمدىك جارىستار وتكىزۋ 2015 جىلى باس شاھارعا ويىسىپ, تəۋەلسىزدىك تاريحىنداعى ءتورتىنشى əلەم چەمپيوناتىنىڭ شىمىلدىعى ەلوردادا ءتۇرىلدى. دزيۋدودان جاھاندىق تاتامي باسەكەسىندە ەلدوس سمەتوۆ (60 كگ) əلەم چەمپيوناتىندا التىنمەن اپتالدى. ال فينالدا ە.سمەتوۆتان جەڭىلگەن رۋستام ىبراەۆ ەل تاريحىندا كۇمىسپەن كۇپتەلگەن ەكىنشى سپورتشى اتاندى.
2016 جىلى دۇنيەجۇزىنىڭ ەڭ مىقتى بۇرىمدى بوكسشىلارىنىڭ باسىن قوسقان استاناداعى ءدۇبىرلى دودادا قىزدارىمىز 10 سالماق دəرەجەسى بويىنشا سىنعا ءتۇسىپ, قازاقستان قۇراماسىنىڭ 4 بوكسشىسى جاھاننىڭ تەڭدەسسىز سپورتشىسى دەگەن اتاققا يە بولسا, ەكى سپورتشىمىز ەل قورجىنىنا قولا جۇلدە سالدى. ناقتى اتاعاندا, نازىم قىزايباي (48 كگ), دينا جولامان, (54 كگ), ۆالەنتينا حالزوۆا (69 كگ), لəززات كۇنگەيباەۆا (+81 كگ) التىننان القا تاعىپ, قازاقتىڭ كۇرزى جۇدىرىقتى قىزدارى دا مىقتى ەكەنىن پاش ەتتى.
2017 جىلى ەلىمىزدە 28-ءشى بۇكىلالەمدىك قىسقى ۋنيۆەرسيادا سايىسى ءوتتى. ون كۇندىك ستۋدەنتتىك ويىنداردا جەرلەستەرىمىز – 11 التىن, 8 كۇمىس, 17 قولا, بارلىعى 36 مەدال ولجالاپ, كوماندالىق ەسەپتە ەكىنشى ورىنعا تابان تىرەدى.
2019 جىلى ەلوردا تورىندە ۇيىمداستىرىلعان كۇرەس تۇرلەرىنەن جاھان بىرىنشىلىگىندە تورتكۇل دۇنيەنىڭ ەڭ مىقتى 1002 بالۋانى بەلدەستى. باس شاھارداعى əلەمنىڭ باستى جارىسى – توكيو وليمپياداسىنا جولداما بەرەتىن العاشقى ليتسەنزيالىق تۋرنير بولدى. ەل نامىسىن قورعاعان 30 بالۋانىمىزدىڭ اراسىنان ءۇش ورەنىمىز فينالعا شىعىپ, ءتورت بالۋانىمىز قولا مەدال يەلەندى.
