«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق بىرلەستىكتەر جانە ەڭبەك جاعدايلارى زياندى جۇمىستاردا ىستەيتىن ادامداردى الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى», دەلىنگەن اقوردا حابارلاماسىندا.
قۇجات قوعامدىق بىرلەستىكتەر مەن ەڭبەك ەتۋ بارىسىندا زياندى جۇمىس اتقاراتىن ادامداردى الەۋمەتتىك قورعاۋ سالاسىنداعى زاڭنامانى جەتىلدىرۋگە باعىتتالعان.
زاڭ ەڭبەك ەتۋ كەزىندە زياندى جۇمىس اتقاراتىن قىزمەتكەرلەردىڭ الەۋمەتتىك قامسىزداندىرىلۋىن ارتتىرۋدى, جالاقىنىڭ ەڭ تومەنگى مولشەرىن بەلگىلەۋدىڭ جاڭا ادىستەمەسىن ەنگىزۋدى جانە قىزمەتكەرلەردىڭ جۇمىسىنداعى مىندەتىن ورىنداۋ كەزىندە جازاتايىم وقيعادان ساقتاندىرۋ مونيتورينگىن قامتاماسىز ەتۋدى كوزدەيدى.
دالىرەك ايتقاندا, زاڭنىڭ قابىلدانۋى قوعامدىق بىرلەستىكتەردە ۇلتتىق زاڭنامانى جانە قۇقىق قولدانۋ تاجىريبەسىن ودان ءارى جەتىلدىرۋگە جانە جۇمىس جاعدايىندا زياندى ىستەردى اتقاراتىن ادامداردى الەۋمەتتىك قورعاۋعا ىقپال ەتەتىن بولادى.
