ايتا كەتسەك, قويىلىمنىڭ قويۋشى-رەجيسسەرى قازاقستاننىڭ ەڭبەك سىڭىرگەن قايراتكەرى, «قۇرمەت» وردەنىنىڭ يەگەرى اسحات ماەميروۆ, كەيىپكەرلەر مەن ورىنداۋشىلار تەاتر ارتىستەرى.
ءىس-شارانى قالا اكىمى جەڭىس قاسىمبەكتىڭ قۇتتىقتاۋىمەن ورىنباسارى ەسەت بايكەن اشتى.
«قۋانىش ماجىكەن ۇلىنىڭ قازاق مادەنيەتى مەن ونەرىنە قوسىپ جاتقان ۇلەسىن ءبىر قويىلىمعا سىيعىزۋ مۇمكىن ەمەس, دەگەنمەن وسىدان ەكى اي بۇرىن جاقسى ءبىر قويىلىم جاساۋدى اقىلداستىق. قويىلىم تەاتر ساحناسىنان ويىپ تۇرىپ ءوزىنىڭ ورنىن الاتىنىنا ءھام كورەرمەننىڭ كوڭىلىنەن شىعاتىنىنا سەنىمدىمىن», دەدى ەسەت بەرىك ۇلى.
مۇنان سوڭ, پوەتيكالىق-مۋزىكالىق قويىلىم باستالىپ, كورەرمەندەر پوەزيا مەن مۋزىكا الەمىنە ساياحاتتادى. «ماڭگىلىك مۇڭنىڭ اۋەنى» پرەمەراسىندا جاس اكتەرلاردىڭ ءبىرى اقىن, ءبىرى سازگەر, ەندى ءبىرى بارد, تاعى ءبىرى اۆتور رولدەرىن سومداپ ءھام قۋانىش ماقسۇتوۆتىڭ شىعارمالارىن قويىلىمنىڭ ءوڭ بويىندا شەبەرلىكپەن ورىنداپ, كورەرمەندەردىڭ ىستىق ىقىلاستارىنا بولەندى. كورەرمەن قاۋىم ءبىرتۋار تۇلعانى قويىلىمدا ءار قىرىنان كورىپ, ەستەتيكالىق ءتۇرلى اسەرلەر الدى.
قويىلىم سوڭىندا مەرەيتوي يەسىنە قالا اكىمىنىڭ ىقىلاس گ ۇلى تارتۋ ەتىلدى.
مادەنيەت جانە اقپارات مينيسترلىگىنىڭ مادەنيەت كوميتەتىنىڭ توراعاسى كۇمىس سەيىتوۆا سالا ءمينيسترى ايدا بالاەۆانىڭ قۇتتىقتاۋىن وقىپ بەردى جانە مەرەيتوي يەسىنە «مادەنيەت سالاسىنىڭ ۇزدىگى» توسبەلگىسىن تابىستادى.
مەرەيتوي يەسى ءسوز الىپ, مينيسترلىك پەن قالا اكىمدىگىنە, قويىلىمنىڭ قويۋشى-رەجيسسەرى مەن تەاتر ونەرپازدارىنا جانە كورەرمەن قاۋىمعا العىسىن ايتىپ, بىرنەشە قوناققا كىتابىن تارتۋ ەتتى.
سول كۇنى ۇلتتىق اكادەميالىق كىتاپحانادا قۋانىش ماقسۇتوۆتىڭ «قۇت» كىتابىنىڭ تانىستىرىلىمى وتكەن بولاتىن.
