ەنەرگەتيكا ءمينيسترى الماسادام ساتقاليەۆ ەلدەگى ەنەرگەتيكا ستانسالارىنىڭ 60%-ى كۇيرەۋ جاعدايىندا تۇرعانىن, ولاردى جاڭارتىپ, جاڭا ستانسالار سالۋ ءۇشىن ەنەرگيا ءتاريفىن ءوسىرۋ كەرەكتىگىن ايتقان بولاتىن. ونىڭ سوزىنشە, وسى كەزگە دەيىن الەۋمەتتىك تۇراقتىلىقتى ساقتاپ وتىرۋ ءۇشىن جىلۋ ءتاريفى تومەن دەڭگەيدە ساقتالىپ كەلگەن. الايدا ەلدىڭ بىرقاتار وڭىرىندە بولعان اپاتتاردان كەيىن جىلۋ ەلەكتر ستانسالارىندا جوندەۋ جۇمىستارىن جۇرگىزىپ, جاڭا ستانسالاردى سالۋ ءۇشىن قوسىمشا قارجىلاي قولداۋ قاجەتتىگى بەلگىلى بولعان. بۇل قولداۋدى ازىرگە مەملەكەتتىك بيۋدجەت پەن ستانسا يەلەرى كورسەتىپ وتىر. بىراق ول – جەتكىلىكسىز. ءمينيستردىڭ ايتۋىنشا, ەنەرگەتيكالىق ينفراسترۋكتۋرانى جاقسارتۋعا باعىتتالعان قادامدى تاريف باعاسىن كوتەرۋدەن باستاۋ كەرەك.
مينيستر تاريف باعاسى بىردەن وسپەيتىنىن, الدىن الا قوعامدىق تالقىلاۋ بولىپ, مەملەكەتتىك قولداۋدى دا ەسەپتەگەننەن كەيىن عانا كومپانيالاردىڭ ءتاريفتى ءوسىرۋ وتىنىشتەرى قابىلداناتىنىن اشىپ ايتتى. بۇدان بولەك, ەنەرگەتيكا سالاسىندا قىزمەت ەتەتىن جۇمىسشىلاردىڭ جالاقىسى وتە تومەن. ولاردىڭ جالاقىسىن كوتەرۋ قازىر ەڭ جوعارعى دەڭگەيدە تالقىلانىپ جاتىر.
بۇل شارا شەكتى تاريف ەلەكتر ستانساسىنىڭ جۇمىسىن قامتاماسىز ەتە الماۋىنا əكەلۋى مۇمكىن. «اتامەكەن» ۇكپ ماماندارى ەنەرگەتيكا مينيسترلىگىنە ساراپشىلىق قورىتىندىنى جولدادى. وندا بۇيرىق جوباسىن قايتا قاراۋ جəنە وعان وزگەرىستەر ەنگىزۋ جəنە «باتىس پاۋەر» جشس ءۇشىن ەلەكتر ەنەرگياسىنا شەكتى تاريفتەردى قولايلى دەڭگەيدە بەلگىلەۋ قاجەتتىگى جازىلعان.
«اتامەكەن» ۇكپ ەنەرگەتيكا جəنە تۇرعىن ءۇي-كوممۋنالدىق شارۋاشىلىق دەپارتامەنتىنىڭ ديرەكتورى جاقىپ حايرۋشەۆتىڭ ايتۋىنشا, قۇرامىنا اتىراۋ, باتىس قازاقستان, ماڭعىستاۋ وبلىستارى كىرەتىن باتىس ءوڭىردىڭ قازاقستاننىڭ بىرىڭعاي ەلەكتر ەنەرگەتيكالىق جۇيەسىمەن ەلەكتر بايلانىسى جوق. وسىعان بايلانىستى تاپشىلىق تۋىنداعان جاعدايدا ءوڭىردىڭ ەلەكتر ەنەرگياسىنا دەگەن قاجەتتىلىگى رەسەيدەن يمپورت ەسەبىنەن قامتىلادى. «قازىرگى جاعدايدا ورال گتەس-200 كəسىپورنىنىڭ ودان ءəرى جۇمىس ىستەۋىنە قاۋىپ ءتونىپ تۇرعانىنا الاڭداۋشىلىق بار. ستانسا قۇرىلعاننان باستاپ باتىس ءوڭىردى بارىنشا ەلەكتر ەنەرگياسىمەن قامتاماسىز ەتتى جəنە ەلەكترمەن جابدىقتاۋدىڭ سەنىمدىلىگى مەن رەسەي فەدەراتسياسىنىڭ ەلەكتر جۇيەسىنەن تəۋەلسىزدىگىن ساقتاپ قالدى», دەدى ج.حايرۋشەۆ.
سپيكەر ۇلتتىق پالاتا ەنەرگەتيكا مينيسترلىگىنە مəسەلەنى شەشۋدە «باتىس پاۋەر» جشس-عا كومەك كورسەتۋدى ۇسىنعانىن ايتتى. نəتيجەسىندە, ەنەرگەتيكا مينيسترلىگى ۇسىنىسپەن كەلىسىپ, ءتاريفتى قولايلى دەڭگەيدە بەكىتتى. ء«Əدىل تاريف بەلگىلەۋ مəسەلەسى بويىنشا «اتامەكەن» ۇكپ-مەن بىرلەسكەن جۇمىس ارقىلى بۇگىندە ستانسانىڭ جۇمىسى جاڭادان بەكىتىلگەن تاريفپەن ءتيىمدى بولىپ, كومپانياداعى قارجىلىق جاعدايدى تۇراقتاندىرۋعا مۇمكىندىك بەرەدى.
«ورال گتەس-200» ستانساسىنىڭ تۇراقتى جۇمىسى ءوز كەزەگىندە جالپى ەلەكتر ەنەرگەتيكاسى سالاسىنا جاعىمدى əسەر ەتەدى. ويتكەنى رەسەي فەدەراتسياسىنان ەلەكتر ەنەرگياسىن ساتىپ الۋ كولەمىن ازايتۋعا مۇمكىندىك بەرەدى», دەدى «باتىس پاۋەر» جشس باس ديرەكتورى مارينا بالاشوۆا.
ءوز كەزەگىندە «اتامەكەن» ۇكپ ماماندارى ەلەكتر ەنەرگەتيكاسى سالاسىنداعى زاڭنامانىڭ جەتىلمەگەنى ءسوزسىز نورماتيۆتىك قۇقىقتىق اكتىلەرگە تەزىرەك وزگەرىستەر ەنگىزۋدى تالاپ ەتەتىنىن العا تارتتى. ويتكەنى ەلەكتر ەنەرگەتيكاسى – تۇتاستاي العاندا مەملەكەتتىڭ ەكونوميكاسىنا ۇلكەن əسەر ەتەتىن اسا ماڭىزدى ينفراقۇرىلىمداردىڭ ءبىرى.
