ولارعا «تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسى» اياسىندا وتباسى بانكىنەن جىلدىق 2% (جتسم 2,1%-دان باستاپ) مولشەرلەمەسىمەن جەڭىلدەتىلگەن نەسيە بەرىلەدى. مەملەكەتتىك باعدارلامانىڭ شارتتارى بويىنشا العاشقى جارنا نەسيە سوماسىنىڭ كەمىندە 10 پايىزىنا تەڭ بولۋعا ءتيىس.
باسپانالى بولعاندار قاتارىندا اقتاۋلىق زاميرا ورىنباەۆا دا بار. مۇگەدەكتىگى بار بالا تاربيەلەپ وتىرعان انا وسى كەزگە دەيىن پاتەر جالداپ, باسپانا تاۋقىمەتىن تارتقانىن ايتادى.
ء«بارى شىنايى بولدى. اكىمدىكتە دە, بانكتە دە جان-جاقتى قولداۋ كورسەتتى. ناتيجەسىندە, پاتەرلى بولدىم. 3 بالام, جولداسىم بار. وتباسىمىزبەن قۋانىپ جاتىرمىز», دەيدى زاميرا ورىنباەۆا.
ال 5 بالانىڭ اناسى قالدىگۇل نۇرمانوۆا 2021 جىلى ءۇي كەزەگىنە تۇرىپ, «وتباسى بانكتە» قاراجات جيناي باستاعان. سونىڭ ارقاسىندا مەملەكەتتىك باعدارلاماعا قاتىسىپ, بۇگىن باسپانالى بولىپ وتىر.
«مەملەكەتتىك باعدارلاما بولماسا, بىزگە باسپانا الۋ قيىنعا سوعارى انىق. 2 پايىزبەن بەرىپ جاتىر. العاشقى جارنا 10 پايىزدى اكىمدىك تولەپ بەردى. ءبىز بۇعان دەيىن مۇنايلى اۋدانىندا پاتەر جالداپ تۇرعانبىز. بۇگىن, مىنە, ءوز ءۇيىمىزدىڭ كىلتىن الىپ, توبەمىز كوككە جەتتى. ەلىمىزدىڭ باستى مەرەكەسى تاۋەلسىزدىك كۇنىندە بىزگە شەكسىز قۋانىش سىيلاعاندارىنا راحمەت», دەيدى قالدىگۇل نۇرمانوۆا.
پاتەر كىلتتەرىن تاپسىرۋ راسىمىنە اقتاۋ قالاسى اكىمىنىڭ ورىنباسارى دارحان ابداليەۆ جانە «وتباسى بانك» ماڭعىستاۋ وبلىسى فيليالىنىڭ باسشىسى مەدەت ابۋعاليەۆ قاتىستى. جاڭا باسپانا يەلەرىنە كىلتپەن قوسا, قۇرىلىس كومپانياسى مەن «وتباسى بانك» اتىنان ەستەلىك سىيلىقتار دا تابىستالدى.
وسى ءىس-شارانىڭ اياسىندا باسپانا جارمەڭكەسى دە ۇيىمداستىرىلدى. وعان 11 ءىرى قۇرىلىس كومپانياسى قاتىسىپ, دايىن تۇرعىن ءۇي كەشەندەرىنەن پاتەرلەر ۇسىندى. ال «وتباسى بانكتىڭ» ماماندارى تۇرعىندارعا يپوتەكا الۋدىڭ ءتۇرلى جولىن كورسەتىپ, سول ارادا تولەمدەر سوماسىنىڭ ەسەبىن شىعارىپ, ءتۇرلى كەڭەس بەردى.
«باسپانا جارمەڭكەسىن وتكىزۋدەگى ماقساتىمىز – ءۇي ىزدەپ جۇرگەن ءار تۇرعىن ءبىر جەردەن قاجەتتى اقپاراتتى السىن دەگەن وي. وعان قوسا, الداعى مەرەكەلەر قارساڭىندا قۇرىلىس كومپانيالارى جەڭىلدىكتەر جاساپ جاتىر. ويىندار ويناتادى. مۇنداي ءىس-شارانى جىلىنا 2-3 رەت ۇيىمداستىرامىز», دەيدى «وتباسى بانك» اق ماڭعىستاۋ وبلىستىق فيليالىنىڭ ديرەكتورى مەدەت ابۋعاليەۆ.
جارمەڭكەگە كەلۋشىلەر قۇرىلىس كومپانيالارىنىڭ ءارالۋان ۇسىنىستارىنىڭ ىشىنەن وزدەرىنە وڭتايلىسىن تاۋىپ, نىساندى ارالاپ كورۋ كۇنىن بەلگىلەپ, جىلجىمايتىن م ۇلىكتى ساتىپ الۋ بويىنشا جان-جاقتى كەڭەس تىڭداپ قايتتى.
