«قازگيدرومەت» رمك 18 جەلتوقساندا ەل اۋماعىندا قالىڭ قار جاۋىپ, كوكتايعاق بولاتىنىن ءمالىم قىلدى.
الماتى وبلىسىنىڭ وڭتۇستىگىندە, تاۋلى اۋداندارىندا كەي ۋاقىتتا تۇمان, كوكتايعاق بولادى. شىعىستان سوعاتىن جەل كۇندىز وبلىستىڭ ورتالىعىندا ەكپىنى 15-20 م/س جەتەدى.
الماتىدا كەي ۋاقىتتا تۇمان, كوكتايعاق بولادى دەپ بولجانىپ وتىر.
باتىس قازاقستان وبلىسىنىڭ وڭتۇستىگىندە تۇمان تۇسەدى. وبلىستىڭ باتىسىندا, سولتۇستىگىندە جاياۋ بۇرقاسىن, كوكتايعاق. جەل وڭتۇستىك-باتىستان, وڭتۇستىكتەن سوعادى, وبلىستىڭ باتىسىندا, سولتۇستىگىندە ەكپىنى 15-20 م/س.
اتىراۋ وبلىسىنىڭ سولتۇستىگىندە, شىعىسىندا, وڭتۇستىگىندە تۇمان, كوكتايعاق, جاياۋ بۇرقاسىن بولادى. سولتۇستىك-باتىستان وڭتۇستىك-باتىسقا اۋىسىپ, كۇندىز وبلىستىڭ وڭتۇستىگىندە ەكپىنى 15-20 م/س جەل سوعادى.
اقمولا وبلىسىندا تۇندە تەك باتىسىندا, ال كۇندىز وبلىستىڭ بارلىق اۋماعىندا بۇرقاسىن جۇرەدى. وڭتۇستىكتەن جەل سوعادى, كۇندىز وبلىستىڭ باتىسىندا ەكپىنى 15-20 م/س بولادى.
اباي وبلىسىنىڭ ورتالىعىندا جاياۋ بۇرقاسىن بولادى دەپ بولجاندى. جەل شىعىستان, وڭتۇستىك-شىعىستان سوعادى, كۇندىز وبلىستىڭ ورتالىعىندا ەكپىنى 15-20 م/س جەتەدى.
