− گازا سەكتورىندا وتانداستارىمىزدىڭ ەداۋىر بولىگى تۇراتىنىن ەسكەرە وتىرىپ, سىرتقى ىستەر مينيسترلىگى قازاقستاننىڭ مەملەكەتتىك ورگاندارىمەن بىرلەسىپ, ازاماتتاردىڭ قۇقىقتارى مەن بوستاندىقتارىن قورعاۋ مۇددەسىندە ۇرىس ايماعىنان ەۆاكۋاتسيالىق ۇشۋلار ۇيىمداستىردى. ولاردىڭ وتباسى مۇشەلەرىن قوسقاندا 127 ادام ەلگە ورالدى, – دەدى مۇرات نۇرتىلەۋ.
ونىڭ مالىمەتىنشە, گازادا ءبىر قازاقستان ازاماتى مەن ونىڭ 10 وتباسى مۇشەسى - ءوز ەركىمەن كوشىرۋدەن باس تارتقان پالەستينا ازاماتتارى قالدى.
– مينيسترلىك پەن شەتەلدىك ورگاندار جاعدايدى باقىلاۋدى ۇستاپ وتىر. ولار قازاقستان ازاماتتارىنان شىعارۋ تۋرالى وتىنىشتەر تۇسكەن جاعدايدا ەۆاكۋاتسيالاۋعا دايىن. سونداي-اق گازا سەكتورىنداعى گۋمانيتارلىق جاعدايدىڭ ناشارلاۋىنا بايلانىستى قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا گازا تۇرعىندارىنا ءبىر ميلليون توننا گۋمانيتارلىق جۇك جانە 38 ميلليون دوللار كولەمىندە گۋمانيتارلىق كومەك جىبەرگەنىن ەسكە سالعىم كەلەدى. بۇل ازىق-ت ۇلىك تاۋارلارى, توسەك-ورىن جابدىقتارى, ءدارى-دارمەك جانە مەديتسينالىق ماقساتتاعى بۇيىمدار, − دەپ اتاپ ءوتتى ءسىم باسشىسى.
م.نۇرتىلەۋ وتانداستارىمىزدىڭ تۋعان جەرىنە ءساتتى ەۆاكۋاتسيالانىپ, گۋمانيتارلىق جۇكتەردىڭ جەتكىزىلۋى قازاقستان رەسپۋبليكاسىنىڭ تارتىلعان مەملەكەتتىك ورگاندارى مەن شەتەلدىك مەكەمەلەردىڭ بىرلەسكەن جۇمىسىنىڭ ناتيجەسى ەكەنىن اتاپ ءوتتى.
ەسكە سالايىق, 17 قاراشادا قازاقستان بيلىگىنىڭ العاشقى ەۆاكۋاتسيالىق ۇشاعى 99 ازاماتتى, ونىڭ ىشىندە 59 قازاقستان رەسپۋبليكاسىنىڭ ازاماتى جانە 40 شەتەلدىكتى وتباسىمەن بىرگە وتانىنا ءساتتى جەتكىزدى. ەكىنشى رەيس 11 جەلتوقساندا مىسىردان ورالىپ, استاناعا 28 ادامدى, ونىڭ ىشىندە 8 قازاقستان رەسپۋبليكاسىنىڭ ازاماتى جانە 20 پالەستينالىق وتباسى مۇشەلەرىن اكەلدى.
