فوتو: gov.kz
مۇنداي مەملەكەتتىك جاردەماقى كىمدەرگە بەرىلەدى؟ 4 جانە ودان دا كوپ بالاسى بار, ءارى ولار كامەلەتتىك جاسقا تولماعان, تولعان كۇنىڭ وزىندە 23 جاسقا دەيىن كۇندىزگى بولىمدە وقيتىن ستۋدەنت بولسا, الادى. وتباسىنىڭ تابىسىنا قاراماي بەرىلەدى. مەملەكەتتىك جاردەماقى بالا سانىنا قاراي ەسەپتەلىپ اۋدارىلادى. مىسالى 4 بالاسى بار وتباسىعا 16,03 ايلىق ەسەپتىك كورسەتكىش مولشەرىندە مەملەكەتتىك جاردەماقى بەرىلەدى. سوماسى – 55 304 تەڭگە. بەس بالاعا – 69 138 تەڭگە, التى بالاعا – 82 973 تەڭگە, 7 بالاعا 96 807 تەڭگە, سەگىز بالادان جوعارى ءار بالاعا 13 800 تەڭگەدەن بەرىلەدى. سوندا ون بالالى وتباسىعا 138 000 تەڭگە بەرىلەدى. ال ون ەكى بالاسى بار شاڭىراققا تولەنەتىن اي سايىنعى مەملەكەتتىك جاردەماقى 165 600 تەڭگە بولدى.
ەسكە سالايىق, كوپبالالى وتباسىلارعا ولاردىڭ تابىسىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى اياسىندا بەرىلەدى. بيىلعى جىلدىڭ 1 قاڭتارىنان باستاپ كوپبالالى وتباسىلارعا بەرىلەتىن مەملەكەتتىك جاردەماقىنىڭ مولشەرى 8,5%-عا ارتقان.
