تۇركيادا (TCIP) پاتەر مەن جەكە ءۇيدى – تۇرعىن ءۇيدى مىندەتتى ساقتاندىرۋ باعدارلاماسى بار ەكەندىگىن, ونىڭ شارتتارى بويىنشا تۇركياداعى كەز كەلگەن م ۇلىك يەسى جىل سايىن ساقتاندىرۋ جارناسىن تولەپ تۇرۋعا مىندەتتى ەكەنىن ايتا كەتۋ كەرەك. مۇنداي ساقتاندىرۋدىڭ قۇنى جىل سايىن ورتا ەسەپپەن شامامەن 300 تۇرىك ليراسى (10 دوللاردان كوپتەۋ) تۇرادى. دەگەنمەن ءۇي يەلەرىنىڭ 50%-ى عانا ساقتاندىرۋ جارناسىن تۇراقتى تولەپ كەلگەن.
مىندەتتى ساقتاندىرۋ باعدارلاماسىن باسقارۋ ءۇشىن تۇركيادا Türk Reasürans ارنايى مەملەكەتتىك كومپانياسى قۇرىلعان. دۇنيە ءجۇزى بويىنشا ساقتاندىرۋ كومپانيالارى, سونداي-اق «ەۆرازيا» سك TCIP قايتا ساقتاندىرۋ باعدارلاماسىنا قاتىسادى. وسى باعدارلاما بويىنشا انىقتالعان شىعىن كولەمى 2 ميلليارد دوللاردان اسقان. تۇركيا ساقتاندىرۋ كومپانيالارىنان ساقتاندىرۋ تولەمىنە العاشقى وتىنىشتەر حالىقارالىق ساقتاندىرۋشىلارعا ءزىلزالادان كەيىن ءبىر ايدان كەيىن – ناۋرىز ايىندا كەلىپ تۇسكەن بولاتىن.
«تۇرىك جەر سىلكىنىسى – تۇرىك حالقىنا ۇزاق جىلدارعا تەرەڭ جارا قالدىرعان ۇلكەن قايعى. اپاتتان كەيىن توعىز اي وتسە دە, بىزدەگى ساقتاندىرۋ تولەمدەرىنە وتىنىشتەر جالعاسىپ جاتىر. ءبىز ءوز مىندەتىمىزدى ورىنداۋ ءۇشىن جانە تۇرىك حالقىن قولداۋ ءۇشىن سوڭعى ليراعا دەيىن تولەم جاساۋدى توقتاتپايمىز», دەيدى «ەۆرازيا» سك باسقارما توراعاسىنىڭ ءبىرىنشى ورىنباسارى سامات قابدولوۆ.
ەستەرىڭىزگە سالا كەتەيىك, بيىلعى اقپان ايىنىڭ باسىندا تۇركيانىڭ وڭتۇستىك-شىعىسىندا ون ءبىر پروۆينتسيا ءزىلزالادان زارداپ شەككەن. سك قازاقستانداعى حالىقارالىق قايتا ساقتاندىرۋ بويىنشا كىرىس جالپى 74,3 ملرد تەڭگەدەن استام نەمەسە 160 ملن دوللارعا جۋىق سوما جالپى سىياقىلاردىڭ 81,1%-دى قۇرايدى. اپاتتان 50 مىڭنان استام ادام قايتىس بولىپ, 100 مىڭنان استام ادام جاراقات الدى. تۇرىك ساقتاندىرۋ كومپانيالارىنا TCIP باعدارلاماسى مەن ەرىكتى ساقتاندىرۋ بويىنشا ساقتاندىرۋ تولەمىن الۋ ءۇشىن جارتى ميلليوننان استام ءوتىنىش كەلىپ تۇسكەن.
تۇركيا ۇكىمەتى جەر سىلكىنىسىنەن بولعان شىعىن كولەمىن ءىجو-ءنىڭ شامامەن 9%-ىن قۇرايتىن 103 ملرد دوللارعا باعالادى. دەگەنمەن Munich Re ساقتاندىرۋ كومپانياسىنىڭ ەسەپتەۋىنشە زارداپ شەككەندەردىڭ شىعىنى 43 ملرد دوللاردى قۇرايدى نەمەسە زارداپ كولەمىن 39% جاباتىن جانە اۋداننىڭ ەكونوميكالىق قايتا قالپىنا كەلۋگە كومەكتەسەدى.
«ەۆرازيا» سك الەم بويىنشا شىعىنى ميلليونداردان اساتىن اپاتتىق جەر سىلكىنىسى, داۋىل سياقتى اپاتتاردى حالىقارالىق قايتا ساقتاندىرۋ سالاسىندا كوپ جىلعى تاجىريبەسى بار.
سونىمەن 2023 جىلدىڭ ون ايىنىڭ قورىتىندىسىنا كوز سالساق, «ەۆرازيا» ساقتاندىرۋ كومپانياسىنىڭ قازاقستانداعى حالىقارالىق قايتا ساقتاندىرۋ بويىنشا كىرىسى 74,3 ملرد تەڭگەدەن اسقانىن نەمەسە 160 ملن دوللارعا جەتكەن. ياعني شەتەلدەن قايتا ساقتاندىرۋ بويىنشا نارىقتا بارلىعى 74,3 ملرد تەڭگە جينالسا, ونىڭ 81,1%-ى «ەۆرازيا» سك-نىڭ ۇلەسىنە ءتيدى.
