اتالعان باسەكەدە العاشقى گولدى دانيالىقتار سوقتى. بۇل ەسەپ ۇزاققا دەيىن ساقتالدى. ودان كەيىن قازاقستاننىڭ ويىنشىلارى ۇزدىكسىز شابۋىلداعانىمەن, جارتى ساعاتتان اسا ۋاقىت بويى قارسىلاستار قاقپاسىنىڭ كىلتىن تابا المادى. دەسەك تە وزدەرىنىڭ تاباندىلىعى مەن جانكەشتىلىگىنىڭ ارقاسىندا ءبىزدىڭ جىگىتتەر كوزدەگەن ماقساتىنا قول جەتكىزدى. ءۇشىنشى كەزەڭ باستالعان بەتتە بەيبارىس ورازوۆ تارازى باسىن تەڭەستىرسە, كوزدى اشىپ-جۇمعانشا دانيا قۇراماسى قايتا العا شىقتى. بىراق ولاردىڭ بۇل قۋانىشى ۇزاققا سوزىلمادى. 49 جانە 57-مينۋتتاردا كيريلل لياپۋنوۆ پەن رۋسلان وسپانوۆ ەكى رەت نىسانانى ءدال كوزدەدى – 3:2.
ەرتەڭ سانكت-پەتەربۋرگتە ء«بىرىنشى ارنا كۋبوگى» باستالادى. العاشقى كەزدەسۋدە قازاقستاننىڭ ۇلتتىق قۇراماسى بەلارۋسپەن كۇش سىناسادى. 16 جەلتوقساندا جوعارى حوككەي ليگاسىنىڭ (جحل) «جۇلدىزدارىمەن» شەبەرلىك بايقاسادى. سوڭعى ويىندا رەسەي حوككەيشىلەرىمەن كەزدەسەدى.
