دەپارتامەنت ديرەكتورىنىڭ ايتۋىنشا, ۇلتتىق قور تولەمىن اۋدارۋ بالا قايتىس بولعان جاعدايدا توقتاتىلادى.
«بۇل جاعدايدا مۇراگەرلىك قۇقىعى كۇشىنە ەنەدى. ونداي بالانىڭ مۇراگەرى كىم بولا الاتىنى ازاماتتىق كودەكستىڭ ايرىقشا بولىگىندە كورسەتىلگەن. ياعني, ءار بالانىڭ مۇراگەرى ناقتى جاعدايى بويىنشا انىقتالادى. بالانى جوعالتۋ اتا-انا ءۇشىن وتە اۋىر قايعى ەكەنىن تۇسىنەمىز. سوندىقتان ول اقشانى ناقتى ءبىر ماقساتقا پايدالانۋ كەرەك دەگەن تالاپ قويمايمىز. ياعني, اتا-انا بولسىن, زاڭ اياسىنداعى باسقا دا مۇراگەرلىك قۇقىعىنا يە ادام بولسىن, قايتىس بولعان بالادان قالعان ۇلتتىق قور اقشاسىن ءوز قالاۋىنا قاراي پايدالانا الادى. سونداي-اق بالا قازاقستان ازاماتتىعىنان ايىرىلعان كەزدە ۇلتتىق قور تولەمىن اۋدارۋ توقتاتىلادى», دەدى ايبول ارعىنعازين.
مەملەكەت باسشىسى قاسىم-جومارت توقاەۆتىڭ 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىندا ايتىلعانداي «ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالاردىڭ ارناۋلى جيناقتاۋشى ەسەپشوتىنا اۋدارىلادى. قارجى ءار بالا 18 جاسقا تولعانعا دەيىن اۋدارىلىپ تۇرادى, ونى مەرزىمىنەن بۇرىن ەسەپشوتتان شىعارىپ الۋعا بولمايدى. جيناقتالعان قارجى بالالار كامەلەت جاسىنا تولعاننان كەيىن ولاردىڭ باسپانا نەمەسە ءبىلىم الۋىنا جۇمسالاتىن بولادى.
مەملەكەت باسشىسى 2024 جىلعى 1 قانتاردان باستاپ قۇشىنە ەنەتىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ۇلتتىق قورىنان بالالارعا ارنالعان قاراجاتتى ەسەپتەۋ, تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا 2023 جىلعى 16 قاراشادا № 40-VIII قرز قول قويدى.
«2024 جىلى 18 جاسقا دەيىنگى بالالارعا ۇلتتىق قوردىڭ 2005-2022 جىلدارداعى ورتاشالانعان كىرىستىلىگىن ەسكەرە وتىرىپ قاراجات ەسەپتەلەتىن بولادى. بالا 18 جاسقا تولعانعا دەيىن ەسەپتەلگەن قاراجات ءىس جۇزىندە ۇلتتىق قوردا ساقتالادى جانە قازاقستان رەسپۋبليكاسىنىڭ ۇلتتىق بانكى ينۆەستيتسيالاۋدى جالعاستىرادى. ۇلتتىق قوردا جيناقتالعان قاراجاتتى پايدالانۋ بالا 18 جاسقا تولعان كەزدە جۇرگiزiلەدى. بۇل جيناقتار كامەلەتكە تولعان ادامنىڭ ەرەكشە مەنشىگى بولىپ تابىلادى, ول قاراجاتتى ء(بىلىم الۋعا نەمەسە تۇرعىن ءۇي جاعدايىن جاقسارتۋعا) قالاي پايدالانۋ كەرەكتىگىن ءوزى (دەربەس) شەشەدى. بۇل رەتتە شەتەلدiك وقۋ ورنىندا وقۋعا اقى تولەۋگە ارنالعان قاراجاتتى پايدالانۋعا شەكتەۋلەر جوق», دەدى ايبول ارعىنعازينوۆ.
