الماتى وبلىسىنىڭ زارەچنىي كەنتىندە ورنالاسقان مەكەمەگە ءابدىجاپپار القوجا, شىڭعىس قۇرالباەۆ جانە سايداليم توحتوحۋنوۆ سىندى انشىلەر شاقىرىلىپ, سوتتالعاندارعا كونتسەرت بەردى. ولار ەل اراسىندا كەڭ تانىلعان اندەرىن شىرقاپ, جازاسىن وتەۋشىلەرگە وتباسىمەن امان-ەسەن قاۋىشۋىن تىلەدى.
ءىس-شارا قىلمىستىق-اتقارۋ جۇيەسى مەكەمەلەرىندەگى جاعدايدى ساۋىقتىرۋدىڭ 2023-2025 جىلدارعا ارنالعان جول كارتاسىن ىسكە اسىرۋ شەڭبەرىندە جۇزەگە اسىرىلدى.
ء«ىس-شارا جول كارتاسىن جۇزەگە اسىرۋمەن سوتتالعاندارعا تاربيەلەۋ جانە الەۋمەتتىك قارىم قاتىناستى ارتتىرۋ ءۇشىن جۇزەگە اسىرىلدى. ءوز كەزەگىندە جازاسىن وتەپ جۇرگەن سوتتالعاندار قوناقتاردى مەرەكەلىك كوڭىل كۇيمەن قارسى الىپ, ءوز العىستارىن ءبىلدىردى», دەدى قاجد باستىعىنىڭ ورىنباسارى قانات اشوۆ.
