ارمان سەيىتمامىت - ءار جىلدارى «حابار» تەلەارناسىندا جاڭالىقتار جۇرگىزۋشىسى, «24KZ» ارناسىنىڭ شەف-رەداكتورى, ديرەكتورى, باس پروديۋسەرى, «EL ARNA» تەلەارناسىنىڭ ديرەكتورى بولىپ قىزمەت اتقارعان.
«ەڭبەك جولىن «حابار» اگەنتتىگىندە 1997 جىلى تىلشىلىكتەن باستاپ, تەلەجۇرگىزۋشى, رەداكتور سياقتى شىعارماشىلىق ساتىلاردان ءوتتى. ءار جىلدارى اگەنتتىكتىڭ قۇرامىنا كىرەتىن «EL ARNA» جانە «حابار 24» تەلەارنالارىنىڭ ديرەكتورى قىزمەتىن ابىرويمەن اتقاردى. سونىمەن قاتار ينتەرنەت جوبالار سالاسىندا دا ەڭبەك ەتىپ, تاجىريبە جيناقتادى. اگەنتتىكتىڭ جاۋاپتى قىزمەتتەرىنە ءوز ىشىمىزدە جەتىلگەن, سالانى جاقسى بىلەتىن, ۇجىمعا سىيلى, بىلىكتى ماماندى قويۋعا باسىمدىق بەرىلەدى. بۇل تاجىريبە مەن جاڭاشىلدىقتى ءتيىمدى ۇيلەستىرە وتىرىپ, جۇمىستىڭ جۇيەلى جۇرۋىنە وڭ اسەر ەتەرى انىق. ارىپتەسىمىز جاڭا جاۋاپتى قىزمەتىندە دە جەمىستى ەڭبەك ەتىپ, «حابار» تەلەارناسىن بيىك بەلەستەرگە شىعارۋعا وزىندىك ۇلەس قوسادى دەپ سەنەمىز», دەپ جازدى كەمەلبەك ويشىباەۆ.
