فوتو: ۆەدومستۆو. تەلەگرام
ەلىمىزدىڭ بارلىق وڭىرلەرىنەن جاس مولشەرى 6-22 ارالىعىنداعى وقۋشىلار مەن ستۋدەنتتەر قاتىساتىن اتالعان چەمپيوناتقا 2500-دەن استام وقۋشى, ونىڭ ىشىندە اۋىل مەكتەپتەرىنەن دە وقۋشىلار قاتىسادى.
جاس ونەرتاپقىشتار جارىسىپ قانا قويماي, «ونەردەگى عىلىمي يننوۆاتسيالار» تاقىرىبىندا وزدەرىنىڭ يننوۆاتسيالىق جوبالارىن ۇسىنادى.
چەمپيونات شەڭبەرىندە بارلىق قاتىسۋشىلار ءۇشىن شەبەرلىك سىنىپتارى, وقۋشىلار اراسىنان ستارتاپ-كاسىپكەرلەر اللەياسى, جەتەكشى IT-كومپانيالار سپيكەرلەرىنىڭ جانە قازاقستاننىڭ ۇزدىك جوعارى وقۋ ورىندارىنىڭ سەمينارلارى جوسپارلانعان. سونداي-اق پاۆيلون اۋماعىندا دۇنيەجۇزىلىك كود ساعاتى وتەدى.
جەڭىمپاز كوماندالار ءۇندىستان, يندونەزيا, تۇركيا چەمپيوناتتارىنا قاتىسۋعا ليتسەنزيالارمەن, 10 000 000 تەڭگەگە دەيىنگى اقشالاي سىيلىقتارمەن, قبتۋ, تۇران, Satpayev, SDU ۋنيۆەرسيتەتتەرىنە گرانتتارمەن ماراپاتتالادى.
