polisia.kz
تسەلينوگراد اۋدانىنىڭ ەكى تۇرعىنى تالاپكەر اۋىلىنداعى شارۋانىڭ قوراسىنا ءتۇسىپ, 20 باس قويىن ۇرلاپ كەتكەن. شىعىن مولشەرى – 1 ميلليون تەڭگە. وسى اۋىلدىڭ ەكىنشى تۇرعىنى دا ارىز ءتۇسىرىپ, 5 باس قويىن ۇرىلاردىڭ قولدى ەتكەنىن جازعان. جەرگىلىكتى پوليتسەيلەر اۋىل تۇرعىندارىنىڭ تىنىشىن الىپ, ۇيقىسىن بۇزعان ۇرىلاردى ۇزاتپاي قولعا ءتۇسىردى.
«قىلمىستىق كودەكستىڭ 188-1-بابى (مال ۇرلىعى) بويىنشا سوتقا دەيىنگى تەرگەۋ باستاپ, «مال ۇرلىعى» جەدەل الدىن الۋ ءىس-شاراسى اياسىندا تسەلينوگراد اۋدانى مەن استانانىڭ اۋماعىندا كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىنىڭ كەشەنىن وتكىزدى. ناتيجەسىندە قاجىمۇقان اۋىلىنىڭ ەكى تۋماسى انىقتالىپ, ۇستالدى. تەرگەۋ ءىس-شارالارى بارىسىندا ۇستالعانداردىڭ ەلدى مەكەنگە, جالعا الىنعان اۆتوكولىكپەن كەلگەنى, مالدى ۇرلاپ اكەتىپ سويعانى» انىقتالدى.
زاتتاي ايعاق رەتىندە قويدىڭ تەرىسى مەن ەتى تاركىلەندى. كۇدىكتىنىڭ ءبىرى جۋىردا ۇيلەنۋ تويى بولاتىنىن, سوعان قاراجات كەرەك بولىپ تورۋىلعا شىققانىن ايتتى.
