senate.parlam.kz
قازاقستاندا كورەرمەندەرگە ۇسىنىلعان شەتەلدىك تەلەارنالار سانى 300-گە جۋىقتاعان. جوسپار بويىنشا 2015 جىلى بۇكىل ەل اۋماعى «تسيفرمەن» قامتىلۋى كەرەك ەدى, بىراق جوبا 10 جىلعا ۇزارتىلدى. سەناتور ب.جەكسەنباي تسيفرلىق تەحنولوگيانى دامىتۋدىڭ ناتيجەسىندە وبلىس ورتالىقتارىندا 30-عا دەيىن, شالعايداعى ەلدى مەكەندەردە 15 ارناعا دەيىن حابار تاراتۋعا بولاتىنىن ايتتى.
«الايدا, ازىرگە مەملەكەتتىك ارنالاردان باسقالارى ءۇشىن مۋلتيپلەكستە حابار تاراتۋ ارمان بولىپ وتىر. وڭىرلىك, اسىرەسە شەكارالىق اۋماقتاعى جەكەمەنشىك تەلەارنالار ودان ورىن الا المايدى. سەبەبى باعاسى ۋداي قىمبات. ياعني, جەكەمەنشىك ارنالاردىڭ دامۋىنا ءوزىمىز كەدەرگى جاساپ وتىرمىز. اقپاراتتىق قاۋىپسىزدىك ماسەلەسىنە دۇرىستاپ نازار اۋداراتىن كەز كەلدى. قازىر تسيفرلىق ەفيرلىك تەلەديدار قازاقستان حالقىنىڭ 92,66 پايىزىنا قولجەتىمدى ەكەن. الايدا, ەلىمىز تسيفرلىق حابار تاراتۋعا كوشكەنىمەن وڭىرلەردەگى جەكەمەنشىك تەلەارنالار بۇرىنعى بەيشارا كۇيىندە قالىپ وتىر. اقپارات تاراتاتىن تەلەارنا دامىماسا, يدەولوگيا دا بولمايدى. يدەولوگيا دەگەنىمىز تەك استانا, الماتىدا عانا ەمەس, كۇللى وڭىرلەردە جۇرگىزىلۋى ءتيىس», دەدى سەناتور. شەكارانىڭ شەبىندەگى ەلدى مەكەندەردىڭ تۇرعىندارى مەملەكەتتىك تەلەارنانى ەمەس, كوگىلدىر ەكراننان كورشى ەلدىڭ يدەولوگيالىق تەلە ءونىمىن كورەتىنىن ايتتى.
بيبىگۇل جەكسەنباي جەكە ارنالارعا مۋلتيپلەكستىڭ قىزمەتتىك اقىسىن ارزانداتىپ جانە شەكارا ماڭىنداعى ەلدى مەكەندەردەگى وتاندىق تەلەارنالاردىڭ ءتىزىمىن كەڭەيتۋ قاجەتتىگىن ۇسىندى.
