اقمولا وبلىسىندا اۋىل شارۋاشىلىعىمەن قاتار ونەركاسىپتىك جانە يندۋستريالىق سەكتور بەلسەندى دامىپ كەلەدى. ون ايدىڭ قورىتىندىسى بويىنشا ونەركاسىپ سالاسىندا ءوندىرىس كولەمى 1,4 ترلن تەڭگە, وتكەن جىلمەن سالىستىرعاندا 13%-عا ارتقان. ءوسۋدىڭ جوعارى قارقىنى وڭدەۋ سالاسىنداعى ءوندىرىس كولەمىن 11,3%-عا جانە تاۋ-كەن ءوندىرۋ كولەمىن 21%-عا ۇلعايتۋ ەسەبىنەن قامتاماسىز ەتىلگەن. تاۋ-كەن سالاسىندا قۇرامىندا التىنى بار كەن ءوندىرۋدىڭ ارقاسىندا, وڭدەۋ سالاسىندا مەتاللۋرگيا, ماشينا جاساۋ جانە تاماق ونەركاسىبىندە ايتارلىقتاي ءوسىم بايقالعان.
«اقمولا ءوڭىرىنىڭ الەۋمەتتىك-ەكونوميكالىق دامۋى مەن پرەزيدەنت قاسىم-جومارت توقاەۆ قويعان ستراتەگيالىق مىندەتتەر مەن باعىتتاردى ىسكە اسىرۋ بويىنشا جۇمىس جۇرگىزىپ جاتىرمىز. وبلىس – ەلىمىزدىڭ نەگىزگى اگرارلىق-يندۋستريالدىق ايماقتارىنىڭ ءبىرى. جالپى, 10 ايدىڭ قورىتىندىسى بويىنشا ايماقتا نەگىزگى الەۋمەتتىك-ەكونوميكالىق كورسەتكىشتەر بويىنشا وڭ ناتيجەلەرگە قول جەتكىزىلدى. اۋىل شارۋاشىلىعى ءوندىرىسى – ايماق دامۋىنىڭ باسىم باعىتى. جىل سايىن ەلىمىزدىڭ جوعارى ساپالى ازىق-ت ۇلىك بيدايىنىڭ تورتتەن ءبىرىن وندىرەتىن جەتەكشى اۋىل شارۋاشىلىعى وڭىرلەرىنىڭ ءبىرى ەكەنىمىز ءمالىم. وكىنىشتىسى, قولايسىز اۋا رايى ەگىن ناۋقانىنا كەرى اسەرىن تيگىزدى. سوعان قاراماستان 3 ملن توننادان اسا استىق جينالدى. بۇل ىشكى قاجەتتىلىگىمىزدى قامتاماسىز ەتۋگە مۇمكىندىك بەردى», دەدى ءوڭىر باسشىسى.
ۇكىمەت تاراپىنان كورسەتىلگەن قولداۋدىڭ كومەگىمەن زارداپ شەككەن فەرمەرلەرگە جان-جاقتى كومەك كورسەتىلگەن.
«سۋبسيديالاۋدىڭ بارلىق باعىتتارى بويىنشا بەرەشەكتى جابۋ (ۇكىمەتتىڭ رەزەرۆىنەن قوسىمشا 16,1 ملرد تەڭگە ءبولىندى, ونىڭ جالپى سوماسى 62,6 ملرد تەڭگەگە جەتكىزىلدى); كرەديتتىك مىندەتتەمە مەرزىمىن ۇزارتۋ (3% كولەمىندە بانكىلىك ىنتالاندىرۋدى وتەۋ ارقىلى 1 جىلعا); اۋىل شارۋاشىلىعى ونىمدەرىنە قولايلى ساتىپ الۋ باعالارىن بەلگىلەۋ سياقتى شارالار قولدانىلدى (3-سىنىپتى بيداي ءۇشىن 120 مىڭ تەڭگە جانە 4-سىنىپتى بيداي ءۇشىن 105 مىڭ تەڭگە مولشەرىندە). اتالعان شارالار كەلەسى جىلدىڭ كوكتەمگى ەگىسىنە ساپالى دايىندالۋعا مۇمكىندىك بەرەدى. ال مال شارۋاشىلىعىندا ەت ءوندىرۋ 168 مىڭ تونناعا دەيىن ارتتى, 350 مىڭ توننا ءسۇت, 608 ملن دانادان اسا تاۋىق جۇمىرتقاسى ءوندىرىلدى», دەدى م.احمەتجانوۆ.
وڭدەۋ كاسىپورىندارىن شيكىزاتپەن قامتاماسىز ەتۋ ءۇشىن بىرقاتار جۇمىس اتقارىلعان. مال باسىن ارتتىرۋ ارقىلى 46 ەت جانە 5 تاۋارلى ءسۇت فەرماسى قۇرىلىپتى.
«وسى جىلى ينۆەستيتسيالىق جوبالاردى جەڭىلدىكپەن نەسيەلەۋ باعدارلاماسى باستالدى. 15 ملرد قولجەتىمدى نەسيەگە جەتى ارنايى تاۋارلى-ءسۇت فەرماسىن اشۋ جوسپاردا بار. 7 مىڭ ساۋىن سيىرى بولاتىن بۇل شارۋاشىلىقتار اقكول, استراحان, ارشالى, اتباسار, بۋراباي, زەرەندى جانە تسەلينوگراد اۋداندارىندا اشىلادى. ءبىزدىڭ ايماق رەسپۋبليكا بويىنشا قۇس ەتىن وندىرۋدە كوشباسشىلاردىڭ ءبىرى ەكەنىن دە ايتقىم كەلەدى.
ەستە بولسا, پرەزيدەنت ءوز جولداۋىندا 3 جىلدىڭ ىشىندە اگروونەركاسىپ كەشەنىندە وڭدەۋ ءونىمىنىڭ ۇلەسىن 70%-عا دەيىن ارتتىرۋ جونىندە تاپسىرما بەردى. بۇگىنگى تاڭدا بۇل كورسەتكىش, وكىنىشكە قاراي, 28%-عا عانا جەتتى. قويىلعان مىندەتتى ورىنداۋ ءۇشىن بارلىق شارالاردى قولدانىپ جاتىرمىز. وبلىستا 73 وڭدەۋ كاسىپورنى جۇمىس ىستەيدى, 8 پايىز وسىممەن 184 ملرد تەڭگەگە تاماق ونىمدەرى ءوندىرىلدى», دەدى وبلىس اكىمى.
وڭىردە 2026 جىلعا دەيىن 290 ملرد تەڭگەگە 71 ينۆەستيتسيالىق جوبانى ىسكە اسىرۋ قولعا الىنعان. بۇل جوبالاردى ىسكە قوسۋ شيكى ءسۇت ءوندىرۋدى جىلىنا – 45 مىڭ, ەتتىڭ بارلىق ءتۇرىن ءوندىرۋدى – 62,1 مىڭ, وسىمدىك مايىن ءوندىرۋدى 54 مىڭ تونناعا ارتتىرۋعا مۇمكىندىك بەرەدى. جالپى, ايماقتا اۋىل شارۋاشىلىعى ونىمدەرىن وڭدەۋ الەۋەتى جەتكىلىكتى.
«وسىلايشا, ءوزىمىزدىڭ جانە استانانىڭ دا قاجەتتىلىگىن جابامىز. 130 كاسىپورنىمىز ەلوردانىڭ 44 ءىرى ساۋدا ورتالىقتارىنا تازا جانە ەكولوگيالىق ونىمدەرىن جەتكىزەدى. بۇل – شامامەن 38 مىڭ توننا ءسۇت, 25 مىڭ توننا ەت, 210 ملن دانا جۇمىرتقا. ءبىز بۇل جۇمىستى ودان ءارى دە جالعاستىرامىز. اۋىل تۇرعىندارىنا باعىتتالعان «اۋىل اماناتى» باعدارلاماسى ىسكە اسىرىلۋدا. ءوز ءىسىن دامىتۋعا قولجەتىمدى جانە پايدالى نەسيە الۋ جاقسى مۇمكىندىك بەرەتىن باعدارلاما. وعان 1,2 ملرد تەڭگە ءبولىندى. بۇل – 215 جاڭا جۇمىس ورنى جانە 198 بيزنەس-جوباسى. كەلەسى جىلدىڭ 210-230 بيزنەس جوباسىنا 2 ملرد تەڭگە قاراجات جوسپارلانىپ وتىر. يگى ىستەر جالعاسىن تابادى», دەدى ءوڭىر باسشىسى.
بيىل ايماققا 530 ملرد تەڭگەدەن اسا ينۆەستيتسيا تارتىلدى. جەكە ينۆەستيتسيالىق جوبانى ىسكە اسىرۋ كورسەتكىشتەردىڭ وسۋىنە جول اشادى. ناتيجەسىندە 185 ملرد تەڭگەگە 154 جوبا ىسكە استى. «1,5 مىڭ اقمولالىق جاڭا جۇمىس ورىندارىنا يە بولدى. سالىنعان ينۆەستيتسيانىڭ جارتىسىنان كوبى جاڭارتىلاتىن ەنەرگيا كوزدەرى سالاسىنا تارتىلدى. ولار – ارشالى اۋدانىندا ورنالاسقان قۋاتى 150 مۆت وبلىستىڭ ەڭ ءىرى جەل ەلەكتر ستانساسىنىڭ «بورەي ەنەرگو» ءبىرىنشى كەزەڭى پايدالانۋعا بەرىلدى. زەرەندى جانە ەرەيمەنتاۋ اۋداندارىندا جالپى قۋاتى 30 مۆت-تان اساتىن 3 جەل ەلەكتر ستانساسى ىسكە قوسىلدى. ال قوسشى قالاسىندا 7,5 ملرد تەڭگەگە مەكتەپ- گيمنازيا سالىندى.
ءىرى جوبالاردىڭ ىشىنەن جەلتوقسان ايىندا قوسشىدا «IL Tov» جشس قۇس ەتىن وڭدەۋ زاۋىتىن ىسكە قوستى. اقكول اۋدانىندا «Sirius Plus» ەمدەۋ-ساۋىقتىرۋ قوناقۇي كەشەنىن تۇرعىزىپ, جۇمىسىن باستادى. جالپى, 2023 جىلى ينۆەستيتسيا كولەمى 240 ملرد تەڭگەدەن اساتىن 223 جوبا حالىق يگىلىگىنە قىزمەت ەتۋگە كىرىستى.
اقمولا وبلىسى ەرەكشە ينۆەستيتسيالىق تارتىمى بار ايماق ەكەنىن اتاپ وتكىم كەلەدى. نەگىزگى فاكتور رەتىندە, ايماقتىڭ گەوگرافيالىق ورنالاسۋى جانە استاناعا جاقىندىعى. كوكشەتاۋ مەن استانا اراسىنداعى زامانعا ساي اۆتوبان, تەمىرجولدىڭ بولۋى ينۆەستورلاردى تارتۋعا مۇمكىندىك بەرەدى. ارينە, ادامي رەسۋرس تا وعان وڭ اسەرىن تيگىزەدى. سەبەبى بۇگىنگى تاڭدا وبلىستا رەسمي حالىق سانىنىڭ 7,5%-عا ءوسۋى بايقالادى. ءبىز, حالىقتىڭ يگىلىگى ءۇشىن, جاڭا ينۆەستورلارمەن تىعىز جۇمىس ىستەۋگە دايىنبىز», دەدى م.احمەتجانوۆ.
كاسىپكەرلىكتى قولداۋدىڭ ۇلتتىق جوباسى اياسىندا سوڭعى ەكى جىلدا 66 ملرد تەڭگەدەن اسا قارجىعا 1 900 جوبا كەلىسىلدى. ناتيجەسىندە, بيۋدجەتكە سالىق تولەمدەرى 39 پايىزعا ارتىعىمەن تۇسكەن. شاعىن جانە ورتا كاسىپكەرلىك سۋبەكتىلەرىمەن 7 مىڭنان اسا جاڭا جۇمىس ورنى اشىلدى.
ء«وڭىردىڭ باسىم باعىتتىڭ ءبىرى تۋريزم سالاسىن دامىتۋ بولىپ تابىلادى. ششۋچينسك-بۋراباي كۋرورتتىق ايماعىنا الەمنىڭ ءار تۇكپىرىنەن جىلىنا ءبىر ميلليونعا جۋىق تۋريست كەلەدى. وبلىستا ءتۋريزمدى دامىتۋعا باعىتتالعان 23 ملرد تەڭگەگە 65 ينۆەستيتسيالىق جوبا تابىستى ىسكە اسىرىلۋدا.
مەملەكەتتىك قولداۋدىڭ ارقاسىندا جىل سايىن سالىنىپ جاتقان ۇيلەردىڭ سانى ارتىپ كەلەدى. بيىل 52 كوپپاتەرلى تۇرعىن ءۇي قۇرىلىسى قاراستىرىلعان. ونىڭ ىشىندە 13 جالعا بەرىلەتىن, 37 كرەديتتىك جانە اتباسار قالاسىنىڭ سۋ تاسقىنى قاۋىپتى ايماقتارىنان تۇرعىندارىن كوشىرۋ ءۇشىن تج جەلىسى بويىنشا سالىنعان 2 تۇرعىن ءۇي بار.
ال جول جەلىسىن جاقسارتۋ بويىنشا ۇلكەن جۇمىستار اتقارىلىپ جاتىر. وسى جىلى جەرگىلىكتى ماڭىزى بار 1 000 كم-گە جۋىق جولدى جوندەۋ جوسپارلانعان. كەيىنگى ەكى جىلدا 2 مىڭ كم-دەن اسا جەرگىلىكتى جول سالىندى جانە جوندەلدى, ونىڭ 900 كم-ى اۋىلدىق جەرلەردە.
سونداي-اق 2025 جىلعا قاراي حالىقتى ساپالى اۋىز سۋمەن جابدىقتاۋعا 100% قولجەتىمدىلىكتى قامتاماسىز ەتۋ ءۇشىن 65 اۋىلدا ورتالىقتاندىرىلعان سۋمەن قامتاماسىز ەتۋ نىسانىن سالۋ, ونىڭ ىشىندە 38 اۋىل ءۇشىن جسق ازىرلەندى, 27 اۋىل – يگەرۋ ساتىسىندا, 105 اۋىلدا سۋدى تازارتۋدىڭ كەشەندى بلوك-مودۋلدەرىن ورناتۋ نەمەسە سۇزگىلەردى ورناتا وتىرىپ ۇڭعىمالاردى بۇرعىلاۋ شارالارى قارالعان.
مەملەكەت باسشىسى الەۋمەتتىك سالاعا ەرەكشە كوڭىل بولەدى. «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى شەڭبەرىندە 38 اۋىلدىق ەلدى مەكەندە امبۋلاتوريالىق-ەمحانالىق ۇيىمدار سالۋ كوزدەلگەن. سونىمەن قاتار ستەپنوگور جانە اتباسار كوپسالالى قالالىق اۋرۋحانالارىن جاڭعىرتۋ جوسپارلانىپ جاتىر», دەدى ءوڭىر باسشىسى.
وبلىستا ءبىلىم بەرۋ سالاسىنداعى وبەكتىلەردى پايدالانۋعا بەرۋگە بايلانىستى وبلىستا ءۇش اۋىسىمدا وقىتۋ ماسەلەسى تولىق شەشىمىن تاۋىپتى. وسى جىلى 5 مەكتەپ جانە اقكول قالاسىنىڭ №4 ورتا مەكتەبىنە جاپسارجاي سالىنىپ, پايدالانۋعا بەرىلگەن. 2,5 مىڭ وقۋشىعا ارنالعان 6 مەكتەپتىڭ قۇرىلىسى جالعاسىپ جاتىر. ولاردىڭ قاتارىندا جىل سوڭىنا دەيىن 3 مەكتەپ جانە كوكشەتاۋ قالاسىنىڭ №4 ارنايى مەكتەپ-ينتەرناتىنا جاپسارجاي سالىنادى. سونىمەن قاتار «جايلى مەكتەپ» ۇلتتىق جوباسى اياسىندا 2025 جىلعا دەيىن 22,6 مىڭ وقۋشى ورنىنا 18 مەكتەپ سالۋ جوسپاردا بار.
