الداعى 10 جەلتوقسانعا دەيىن سوزىلاتىن, Jusan vibe كەڭىستىگىندە ءوتىپ جاتقان جارمەڭكەدە قازاقستان, قىرعىزستان جانە وزبەكستاننان كەلگەن 10 گالەرەيا بىرىكتىرىلىپ, ءوز قابىرعالارىنا 30-عا جۋىق زاماناۋي سۋرەتشىلەردىڭ جۇمىستارىن قويدى.
اقيقاتىنا كەلگەندە ونەر يەسىنە ءوز جۇمىستارىن ساتۋ وڭاي ەمەس, ابزالى ونىڭ ساۋداسىن – ارت-گالەرەيالارعا بەرۋ.
سونىمەن الماتىدا ءبىرىنشى رەت وتكەن سۋرەتشىلەر جارمەڭكەسىنە Pygmalion Gallery (قازاقستان), Hlmrdv Gallery (وزبەكستان), Occupy Steppe (قازاقستان), Artmeken Gallery (قازاقستان), BonArt (قازاقستان), Museum of Feminist Art (قىرعىزستان), التىن عاسىر (قازاقستان), Dump Gallery (قازاقستان), Zhaukhar Art Gallery (قازاقستان), Iligeri (قىرعىزستان) گالەرەيالارى ءوز سۋرەتشىلەرىن شىعاردى.
جەرگىلىكتى ارت-نارىقتا كاسىبي جارمەڭكەنىڭ پايدا بولۋى – قازىرگى زامانعى ونەر نارىعىنىڭ قالىپتاسۋى مەن دامۋىنىڭ ماڭىزدى نىشانى عانا ەمەس, ارت-تۋريزم ءۇشىن دە تارتىمدى وقيعا دەسەك بولادى. ويتكەنى ورتالىق ازيا ونەرى بۇگىندە الەمدەگى جەتەكشى ينستيتۋتتاردى, گالەرەيالار مەن كوللەكتسيونەرلەرءدى قىزىقتىرىپ وتىر. تەك 2023 جىلى قازاقستاننىڭ كوممەرتسيالىق گالەرەيالارى VOLTA Basel (شۆەيتساريا), Art Dubai ء(باا), Contemporary Istanbul (تۇركيا), Asia Now (فرانتسيا), Bazaar Berlin (گەرمانيا) سىندى بىرنەشە ءىرى حالىقارالىق جارمەڭكەگە قاتىستى.
«جارمەڭكەمءىزدى ورتالىق ازيا دەپ اتاعان سەبەبىمىز, بۇل ءبىزدىڭ ورتاق جەتەكشىلىك شەشىمىمىز, ويتكەنى ءوز ەلدەرىمىزدى ونەر ارقىلى بىرىكتىرگىمىز كەلەدى. ءبىز ءۇشىن بۇل كلاسسيكالىق ماعىنادا كاسىبي جارمەڭكە بولۋى ماڭىزدى بولدى ءارى ونى ءىسكە اسىرا الدىق. العاش رەت قازاقستان مەن ورتالىق ازيا گالەرەيالارىن جيناۋعا قول جەتكىزدىك. بىشكەك پەن تاشكەنتتەگى گالەرەيالاردى تابۋ قيىنىراق بولعانى راس, دەگەنمەن نارىق پەن ارت-ساحنا قازاقستانداعىدان ءسال از», دەيدى ALA ART FAIR 2023 جەتەكشىسى وليا ۆەسەلوۆا.
ALA ART FAIR ايماقتىق ونەر ساراپشىلارى مەن كوللەكتسيونەرلەرىن عانا ەمەس, حالىقارالىق كۋراتورلاردى, گالەرەيالار مەن جۋرناليستەردى دە جينادى. جەرگىلىكتى جارمەڭكەنىڭ اشىلۋى ۇنەمى جاڭا اتاۋلار مەن جاڭا ونەر تاجىريبەلەرىن ىزدەيتىن ونەر ديلەرلەرىن قىزىقتىرادى.
«بۇگىنگى ءىس-شارا ءبىز ءۇشىن وتە ماڭىزدى وقيعا. قازىرگى زامانعى ونەردىڭ دامۋى جانە تۋريزم – بۇل ءبىر-ءبىرىمەن تىعىز بايلانىستى. بيىل سۋرەتشىلەرىمىزدى ءارتۇرلى حالىقارالىق كورمەلەرگە شىعارا العانىمىزدى ۇلكەن جەتىستىك دەپ سانايمىن. بۇگىن ALA ART FAIR-دە ءبىز سontemporary Istanbul جانە Asia Now ءجارمەڭكەلەرىندە كەزدەسكەن قوناقتارمەن قاۋىشساق, ولار دا قازاقستاننىڭ ونەرى, مادەنيەتىمەن تانىسادى», دەيءدى «Kazakh Tourism» ۇك» اق كرەاتيۆتى تۋريزم دەپارتامەنتىنىڭ ديرەكتورى يرينا حاريتونوۆا.
قورىتا ايتقاندا, 4 جەلتوقساندا حالىقارالىق جارمەڭكە ورتالىق ازيانىڭ ارت-نارىعى تۋرالى كاسىبي ارت-كونفەرەنتسياعا ۇلاستى. كاسىبي ماماندار «ورتالىق ازياداعى ارت-نارىق: قازىرگى جاعدايى جانە دامۋ كەلەشەگى», «ءوسۋ كەلەشەگى: حالىقارالىق ونەر نارىعىنا قالاي شىعۋعا بولادى», «قازىرگى زامانعى ونەر, ءتۋريزمدى دامىتۋ فاكتورى»تاقىرىپتارىندا پىكىر الماستى.
ال زاماناۋي تالانتتى سۋرەتشىلەردىڭ كارتينالارى 70$ باستاپ 7000-8000$ دەيىن باعالاندى. تالاي جۇمىس الەۋەتتى سۋرەت جيناۋشىلاردىڭ قىزىعۋشىلىعىن تۋعىزدى.
