دەپۋتاتتاردىڭ تالقىلاۋىنا سينگاپۋر, قاتار مەملەكەتتەرىمەن ينۆەستيتسيالاردى كوتەرمەلەۋ جانە ءوزارا قورعاۋ تۋرالى ەكى كەلىسىمدى راتيفيكاتسيالاۋ تۋرالى زاڭ جوبالارى ۇسىنىلادى.
بۇل كەلىسىمدەر ەلدەر اراسىنداعى ەكونوميكالىق ىنتىماقتاستىقتى نىعايتۋعا, ەل اۋماقتارىندا ينۆەستيتسيالىق قىزمەتتى جۇزەگە اسىرۋعا بايلانىستى ماسەلەلەردى رەتتەۋدىڭ ءتارتىبى مەن شارتتارىن ايقىندايدى.
سونىمەن قاتار الداعى جالپى وتىرىستا 1999 جىلعى 4 ماۋسىمداعى ونەرتابىستاردى قۇقىقتىق قورعاۋ سالاسىندا مەملەكەتارالىق قۇپيالاردىڭ ساقتالۋىن ءوزارا قامتاماسىز ەتۋ تۋرالى كەلىسىمنىڭ قولدانىسىن توقتاتۋ تۋرالى حاتتامانى راتيفيكاتسيالاۋ تۋرالى زاڭ جوباسى قارالادى.
بۇدان بولەك, دەپۋتاتتار «حالىقارالىق سۋ اعىندارىن كەمە جۇرمەيتىن پايدالانۋ تۇرلەرىنىڭ قۇقىعى تۋرالى كونۆەنتسيانى راتيفيكاتسيالاۋ تۋرالى» زاڭ جوباسىن قارايدى. اتالعان كونۆەنتسيا الەم بويىنشا ترانسشەكارالىق وزەندەر مەن كولدەردى, ونىمەن بايلانىستى جەراستى سۋلارىن ءادىل جانە تۇراقتى باسقارۋعا جاردەمدەسۋدىڭ جاھاندىق قۇقىقتىق تەتىگى بولىپ سانالاتىن نەگىزدەمەلىك قۇجات بولادى.
جالپى وتىرىستا ءماجىلىس كوميتەتتەرى عىلىم جانە تەحنولوگيالىق ساياسات تۋرالى جانە ديپلوماتيالىق قىزمەت ماسەلەلەرى تۋرالى جاڭا زاڭ جوبالارىن جۇمىسقا الادى. دەپۋتاتتار باستاماشىلىق ەتكەن عىلىم جانە تەحنولوگيالىق ساياسات تۋرالى زاڭ جوباسى مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىن ورىنداۋ ماقساتىندا ازىرلەندى.
