كوپ ۇزاماي جەكەلەگەن باسەكەلەر باستالدى. وكىنىشكە قاراي, سارۆينوز مىرقادىروۆا گەرمانيالىق اننەتت كاۋفماننان 0:4 ەسەبىمەن ويسىراي ۇتىلدى. ەسەسىنە الان قۇرمانعاليەۆ بۇل جارىستى جەڭىسپەن باستادى. جەرگىلىكتى جانكۇيەرلەر برين ۆوۆككە بارىنشا قولداۋ كورسەتكەنىنە قاراماستان ول العاشقى اينالىمدا سلوۆەنيالىق ويىنشىعا 4:2 ەسەبىمەن سان سوقتىردى. كەلەسى كەزەڭدە قازاقتىڭ ورەنى قىتايدىڭ وكىلى ۆەن ريبيومەن ابدەن تىرەستى. دەسەك تە بۇل باسەكە قىتاي ەلى وكىلىنىڭ پايداسىنا شەشىلدى – 2:4.
ال ەلىمىزدىڭ ءبىرىنشى راكەتكاسى كيريلل گەراسيمەنكو گەرمانيانىڭ ديۋسسەلدورف قالاسىندا ۇيىمداستىرىلعان WTT Feede ءتۋرنيرىنىڭ شيرەك فينالىنا دەيىن جەتتى. بۇل باسەكەنىڭ باس جۇلدەسىن جەرگىلىكتى سپورتشى مەنگەل شتەففەن جەڭىپ الدى.
