polisia.kz
ء«ىىم ۇيىمداسقان قىلمىسقا قارسى كۇرەس دەپارتامەنتى مەن اقمولا وبلىستىق پوليتسيا دەپارتامەنتىنىڭ قىزمەتكەرلەرى وبلىس پروكۋراتۋراسىنىڭ ۇيلەستىرۋىمەن ستەپنوگورسك قالاسىنىڭ اۋماعىندا التىن ءوندىرۋشى كاسىپورىن قىزمەتكەرلەرىنەن تۇراتىن قىلمىستىق توپتىڭ زاڭسىز ارەكەتىنىڭ جولىن كەستى. قىلمىستىق توپتىڭ قۇرامىندا سول كاسىپورىننىڭ تەحنولوگيالىق ۋچاسكەسىنىڭ شەبەرى باسقارعان دايىن ءونىم تسەحىنىڭ قىزمەتكەرلەرى بولعان. ارنايى ءىس-شارالار شەڭبەرىندە قىزمەتتىك مۇمكىندىكتەردى پايدالانا وتىرىپ, كۇدىكتىلەر اقسۋ كەنىشىنەن قۇرامىندا التىنى بار كەندى ۇرلاۋ جۇيەسىن كوزدەگەنى انىقتالدى. قىلمىستىق نيەتتەرىن جۇزەگە اسىرۋ ءۇشىن قىلمىسكەرلەر بەينەباقىلاۋ جۇيەسىمەن قامتىلماعان ايماقتاردى پايدالانىپ, ۇرلانعان زاتتى جۇمىس كيىمىنىڭ ىشىنە جاسىرىپ الىپ شىعۋعا تىرىسقان. ۇستالعانداردان قۇرامىندا 4,5 كەلى تازا التىنى بار 7 كەلى كونتسەنترات الىندى», دەلىنگەن اقپاراتتا. كەنشىلەردىڭ كيىمگە جاسىرىپ الىپ شىققان التىننىڭ قۇنى 130 ميلليون تەڭگەدەن اسادى. كۇدىكتىلەردىڭ ۇستىنەن اسا ءىرى مولشەردە جاسالعان ۇرلىق فاكتىسى بويىنشا قىلمىستىق ءىس قوزعالىپ, تەرگەۋ جۇرگىزىلىپ جاتىر.
