فوتو: قىزىلوردا وبلىسى اكىمدىگىنىڭ ءباسپاسوز قىزمەتى
«سىرداريانىڭ بويىندا ءومىر سۇرگەن ساق مادەنيەتىنىڭ جاۋھارى – التىن كيىمدى «شىرىك-رابات ساق جاۋىنگەرى» مەن التىن وردا كەزەڭىندەگى ۇلى دالا كوشپەندىلەرىنىڭ وركەنيەتىن پاش ەتەتىن التىن اشەكەيلى «سىعاناق حانشايىمى» مۇسىندەرى بۇگىن مۋزەيگە تاپسىرىلدى. مۇسىندەر ارحەولوگ-عالىمداردىڭ عىلىمي نەگىزدەمەلەرىنە سايكەس جاسالدى», دەگەن وبلىس باسشىسى نۇرلىبەك ماشبەك ۇلى جەلتوقساننىڭ 8-9-ى كۇندەرى ەلىمىزدىڭ باس شاھارى – استانادا وتەتىن قىزىلوردا وبلىسىنىڭ ونەر كۇندەرى اياسىندا ۇيىمداستىرىلاتىن «سىر ءوڭىرى – تۇركى دۇنيەسىنىڭ التىن بەسىگى» كورمەسىندە اتالعان التىنداتقان مۇسىندەر ەلوردا جۇرتشىلىعىنا تانىستىرىلاتىنىن اتاپ ءوتتى.
مۇسىندەردى رەكونسترۋكتسيالاۋعا وبلىستىق بيۋدجەتتەن 40 ملن تەڭگە بولىنگەن. تۋىندىلاردى ارحەولوگ-عالىمدار جولداسبەك قۇرمانقۇلوۆ, ءازىلحان تاجەكەەۆتەر, رەستاۆراتور قىرىم التىنبەكوۆ, وزبەكستان جانە تاتارستان عالىمدارى ايسۇلۋ جاپپاربەرگەنقىزى, ليۋدميلا ماكلاسوۆالار جاسادى.
